Latest news

09:33Италия термасини бошқаришга асосий номзодлар маълум  0 09:02“Ал Насср“ МЮ юлдузини сотиб олиш учун ўз юлдузидан воз кечишга тайёр  0 08:31Криштиану Роналду Португалиянинг Миллатлар лигаси финалидаги ғалабаси ҳақида фикр билдирди  12 08:03ЦСКАни бошқариш учун иккита номзод бор  1 07:35ПСЖ футболчиси Испания — Португалия учрашувида энг яхши бўлди  2 07:09Неъматилло Қуттибоев: "Арислан Юсупбаев ва Аъзамжон Алиевларда жароҳат бор"  0 02:47Португалия — УЕФА Миллатлар лигаси соҳиби! Португаллар финалда испанларни пенальтилар серияси орқали мағлуб этишди  158 00:51Забарний "Борнмут"га ПСЖга ўтмоқчи эканини айтди, ҳимоячи учун 70 млн евро талаб қилишмоқда  1 00:25"Манчестер Сити"нинг 70 млн евролик бўлажак трансфери тиббий кўрикдан ўтди  2 23:50Жоб Беллингемнинг янги клуби маълум  0 23:22"Байер" Вирцни 140 млн евро эвазига "Ливерпуль"га сотадими?  4 22:35Қатар терма жамоаси Тошкентга етиб келди  8 22:15Ўртоқлик ўйини. Ўзбекистон ва Россиянинг 21 ёшгача бўлган жамоалари ўртасидаги ўйинда 9 та гол урилди  45 22:10Ўзбекистон кубоги. "Динамо" 1/8 финалнинг илк ўйинида "Лочин"ни тор-мор этди  15 21:43Ўзбекистон терма жамоасининг бугунги машғулотидан ФОТОГАЛЕРЕЯ  0

Аббосбек Файзуллаев Туркманистонга қарши ўйин ва ЦСКАдаги ўзгариш ҳақида гапирди News

Аббосбек Файзуллаев Туркманистонга қарши ўйин ва ЦСКАдаги ўзгариш ҳақида гапирди

2026 йилги Жаҳон чемпионати саралашидан ўрин олган Туркманистонга қарши ўйин олдидан терма жамоамиз футболчиси Аббосбек Файзуллаев кичик интервью берди.

– Аббосбек, Туркманистонга қарши ўйин ҳақида нима дея оласиз?

– Туркманистонга қарши ўйин қизиқарли бўлади деб ўйлайман. Вазифани уддалаб бўлганимизга қарамай, мухлисларимиз ёнида ўйнаймиз. Уларга ёқадиган ўйин кўрсатишга ҳаракат қиламиз. Уч очкони қўлга киритмоқчимиз. 

– ЦСКАда май ойи ўйинчиси бўлдингиз. Умуман Россияда сиз ҳақингизда жуда кўп ижобий фикрлар мавжуд. Келажагингиз ҳақида нима дея оласиз?

– Келажагим ҳақида ҳеч нарса дея олмайман. Чунки ЦСКА билан шартномам бор. Ҳозир терма жамоадаман, асосийси бу ерда иккита ўйинни ўтказиб олишим. 

– ЦСКАда мураббий ўзгарди. Шу ҳақида фикрингиз?

– Буни кеча билдим. Клуб шу қарорга келган экан, мен ҳеч нарса дея олмайман. Федотов билан ишлаганимдан жуда хурсандман. Туркиядаги йиғинларда жамоага қўшилиб кетишимга ҳам асосий сабабчи айнан у бўлганди. 

– Россияда янги мавсум июль ойидан бошланади. Бу Олимпиадага боришингизга тўсиқ бўлмайдими? Бу масала бўйича бирор келишувга эришдингизми?

– Бу масала ҳақида гаплашмадик. Федерация ва клуб келиша олса, Олимпиадага бориш ниятидаман. 

– Эртага "Бунёдкор" стадионида ўйнаймиз. Бу стадионда U-20 Осиё кубогида ғалаба қозонгансиз. Мухлисларга бирор чорлов борми?

– Терма жамоанинг ҳар бир ўйини мухлислар учун байрам ҳисобланади. Эртага ҳам келиб, қўллаб-қувватлаб туришса, хурсанд бўлардик. Қанча кўп мухлис келса, бу бизга қўшимча куч бўлади. 

– Абдураҳмон Фозилов билан iPhone масаласида нима бўлганди?

– Шарт бор эди. У шартни бажармадим. Эртага шу шартни бажаришга ҳаракат қиламан.

Rating: +11   

Comments

championat.asia
< show latest news
Яндекс.Метрика