Аббосбек Файзуллаев Осиё кубогида нималарни ўрганганини айтди

"Осиё кубоги яхши тажриба бўлди: терма жамоа сафида илк бор бундай йирик турнирда иштирок этдим ва кўп нарсаларни ўргандим. Биз турнирда яхши қатнашдик, аммо пенальтилар сериясида Қатардан мағлуб бўлганимиз ачинарли бўлди - ушбу ўйинда ғалаба қозонишимиз мумкин эди. Агар Қатар тўсиғидан ўта олганимизда, турнирда ғолиб чиқиш учун яхши имкониятга эга бўлардик. Бироқ ҳаёт давом этади. Мақсадимиз - илк маротаба жаҳон чемпионатига йўл олиш. Биз тарихда қолмоқчимиз.

Мусобақа давомида қийин вазиятларда қандай ўйнаш кераклигини ўргандим. Ушбу турнир давомида мен ўз позициямни ўзгартирдим - "сохта тўққизлик" ролини ўйнадим. Аввалига бу позиция менга ноқулайлик туғдирди, лекин мен Таиланд билан ўйинда бунга кўникиб бўлгандим. Рақиб ким қаерда ўйнаётганини англай олмаслиги учун биз тез-теў позицияларимизни ўзгартириб турдик. Шу тариқа, Осиё кубоги давомида тактик жиҳатдан кучайдим", — деди Файзуллаев.