А Серия. Превью. 13-турнинг охирги ўйинида ким ғалаба қозонади?

Кальяри   vs   Торино

Турнинг сўнгги беллашувида "Кальяри" уйида туриннинг "Торино"сини қабул қилади. 

Ўтган турда Марана шогирдлари (гап "Кальяри" жамоаси ҳақида кетмоқда) ўз мухлисларини яхши маънода хайрон қолдиришга эришдилар. Феррара шаҳрида бўлган ўйининг 71-дақиқасида мезбонлар иккинчи бор гол уришди ва таблодаги ҳисобни 2:0 кўринишига келтиришди. Аммо, лекин, бироқ, қисқа вақт ичида "Кальяри" футболчилари икки бор рақиб дарвозасини ишғол қила олишди ва беллашувда ғолиб номи аниқланмади. 

Охирги ўйинларда "Кальяри" фақатгина "Юве"га мағлуб бўлди (1:3). Шунингдек жамоанинг асосий бомбардири Леонардо Паволеттининг ўйинини эътироф этиш лозим. Унинг ҳисобида 6 та  гол мавжуд.

"Торино" ўтган турда кутилмаганда "Парма"га ютқазиб қўйди (1:2). Мағлубиятсиз серия бўлган бўлсада, жамоа ўйинида стабиллик кузатилмаяпти. Маццари жамоаси сафарда яхшироқ натижа кўрсатмоқда, клуб меҳмонда, уйдагиданда кўпроқ очко ишлаб олишди.

Бўлажак баҳс "буқалар" учун осон ўтмаслиги аниқ, "Кальяри" ўз уйида деярли очко йўқотмаяпти. Сўнгги 5 ўйиннинг 2 таси ғалаба, қолганлари дуранг билан якунланди.

Шубҳасиз, бизни муросасиз ва қизиқарли учрашув кутиб турибди.

Нозима Зарипова тайёрлади