9 ёшида "Арсенал"га келган ҳамда 15 ёшида АПЛнинг энг ёш юлдузи бўлган Нванери билан танишинг

Бу шанба кунги машғулотлардан сўнг йигитча учун ажойиб мукофот бўлди, чунки иқтидорли ярим ҳимоячи 91-дақиқада дебют қилди.

У майдон чиқаётганида, Артета унинг қулоғига пичирлади: "Табриклайман, бундай лаҳзадан завқ ол".

Майдонга қадам босганда, 15 ёшу 181 кунлик бўлган йигитча Премьер-лигада ўйнаган энг ёш ўйинчи Харви Эллиотнинг рекордини янгилади.

Меҳмон сифатида ташриф буюрган "Арсенал"нинг содиқ мухлислар мезбон жамоа ишқибозларининг "ярасига туз сепишди", улар брентфордликлар мухлислар томон қувноқ кайфиятда ҳайқиришди: "Қандай бедодлик, у атиги 15 ёшда ва эрталаб мактабга бориши керак".

Академия юлдузи

Ўтган йил Нванери 14 ёшида "Арсенал"нинг U18 жамоасида дебют қилди ва ажойиб гол урди.

2007 йилда туғилган бу болакай "Эмирейтс" стадиони очилганидан бир йил ўтиб, ёруғ дунёга келган.

У ҳали бошланғич мактабда ўқиб юрганида, яъни тўққиз ёшида "Арсенал"га қўшилган.

Шу ойнинг бошида у U21 таркибида "Блекберн"га қарши дебют қилди ва гол урди.

Август ойида ҳам у Англия U17 терма жамоасида захирадан майдонга тушди. Ажабланарли жойи йўқ, у яна гол урди.

Бу эса унинг асосий жамоа мураббийлар штаби эътиборини қозонишга олиб келди.

"Сўнгги бир-икки йил ичида академия мураббийлари биз эътибор беришимиз керак бўлган истеъдодлар борлигини айтишди", деди Артета. — Биз нимагадир эришишимиз поғонасида керак бўладиган энг яхши йўл - футбол ёшга боғлиқ эмаслиги ҳақида тушунча бера олишимиздир, чунки ёш ёмон ўйинчидан яхши ўйинчини ажратолмайди. Унга назар солганимда, унинг ўзига хос нимасидир борлигини ҳис қилдим".

Жароҳатлар Артетани шунга мажбур қилди

Асосий жамоа футболчилари, жумладан, Мартин Эдегор, Муҳаммад Эл-Нени, Александр Зинченко ва Эмил Смит Роунинг жароҳатлари Артета томонидан Нванерини захира рўйхатига киритишга мажбур қилди.

Артета ўйиндан сўнг шундай деди: “Нванери биз билан бир неча бор машғулот ўтказди ва шанба куни агарда имконият пайдо бўлса, уни майдонга тушириш фикри туғилди. Менимча, бу бизнинг клуб сифатида қай даражада эканлигимиздан далолат беради. Мен унга сафимизда бўлиши керакни айтдим ҳамда тайёр туриши лозимлигини уқтирдим. У тайёр эди".

Қизиқ томони, Нванери ёши туфайли асосий жамоадан узоқда жойлашган хонада кийим алмаштиришга мажбур бўлган.

Ҳакамнинг финал ҳуштаги янграгач, дарвозабон Аарон Рэмсдейл Нванерини ажойиб таасуротларга эга бўлиши учун меҳмон жамоа мухислари ўтирган сектор томон етаклади.

Нванерининг "Арсенал"даги фаолияти давомида унга ҳали кўплаб олқишлар йўлланиши шубҳасиз.

Оқил Абдубарноев тайёрлади