9 апрель куни ПФЛ титул ҳомийси “Pepsi” компанияси вакиллари билан матбуот анжумани ташкил этилади
07 apr 2018 10:30
News

9 апрель куни ПФЛ титул ҳомийси “Pepsi” компанияси вакиллари билан матбуот анжумани ташкил этилади

4 апрель куни МОҚ Президенти, ЎФА биринчи вице-президенти Умид Аҳмаджонов “Pepsi” компанияси вакиллари билан учрашиб, жаҳонга машҳур компания билан Ўзбекистон футбол Ассоциацияси ўртасида шартнома имзоланганди.

Шартномага кўра ўзбек футболи тарихида биринчи марта Ўзбекистон Суперлигаси ўзининг титул ҳомийсига эга бўлди. Эндиликда футбол бўйича миллий чемпионатимиз “PEPSI Ўзбекистон Суперлигаси” деб номланади.

Шу йилнинг 9 апрель куни соат 15:00да “Бунёдкор” стадионининг анжуманлар залида “Pepsi”компаниясининг юртимиздаги вакиллари ва Ўзбекистон Профессионал футбол лигаси раҳбарлари иштирокида матбуот анжумани ташкил этилади.

Анжуманда PepsiCo компаниясининг Ўзбекистондаги расмий вакили "International Beverages Tashkent" МЧЖ ҚК директори Музаффар Салижанов ва Маркетинг бўлими бошлиғи Алишер Самадов ҳамда ПФЛ бош директори Омон Ғофуров қатнашишади.

Матбуот анжуманига юртимиздаги барча турдаги ОАВ вакиллари таклиф қилинади.

Link :

Source : the-uff.com

Receive latest football news directly on your phone. Subscribe for our Telegram channel!

Rating: +9