Latest news

23:08Туркия. "Истанбул Башакшеҳир" ўз майдонида "Эйюпспор"ни мағлуб қила олмади  31 22:55"Севинч" тарих яратди ва ОЧЛга йўлланма олди!  2 22:40Пеп Гвардиола: "Балки Ҳусанов жароҳат олмаганида ютқазмаган бўлардик"  13 22:25АПЛ. "Ливерпуль" Собослаининг суперголи эвазига "Арсенал"ни мағлуб қилди  37 21:53"Манчестер Юнайтед" янги дарвозабони билан келишувга эришди  3 21:45АПЛ. "Брайтон" - "Манчестер Сити" 2:1  1 21:35Родри: "Мен Месси эмасман"  9 21:11"Арсенал" ҳар турда йўқотишларга учрамоқда  1 20:59А Серия. "Женоа" - "Ювентус" баҳси асосий таркиблари маълум!  0 20:50"Манчестер Сити" АПЛнинг дастлабки уч ўйинининг иккитасида мағлуб бўлди  3 20:15"Челси" - "Фулхэм" ўйини ҳаками четлатилди  3 19:58АПЛ. "Манчестер Сити" мавсумда иккинчи марта мағлуб бўлди, Ҳусанов 85 дақиқа ўйнади  45 19:15Меҳди Тареми Эрон термаси ихтиёрини тарк этди, у янги жамоаси билан шартнома имзолайди  2 18:43"Ал Иттиҳод" бразилиялик футболчи билан музокараларни бошлади  0 18:15"Манчестер Юнайтед" собиқ ҳимоячиси "Астон Вилла"га ўтмоқда  0

8 ўйинда 8 хато. Суперлиганинг 8-туридаги ҳакамлик фаолияти таҳлили News

8 ўйинда 8 хато. Суперлиганинг 8-туридаги ҳакамлик фаолияти таҳлили

Россиялик экспертимиз барча баҳсли эпизодларни синчиклаб ўрганиб чиқди.

Championat.asia сайтининг ҳакамлик фаолияти бўйича мутахассиси, россиялик собиқ ҳакам Анатолий Синяев ("Алё, рэф!" Телеграм канали муаллифи) ва унинг ҳакамлар жамоаси Суперлиганинг 8-тур учрашувларидаги баҳсли ҳолатларни батафсил таҳлил қилди.


"Бухоро" - "Машъал"

Пенальти белгилаш тўғри қарор эди. Сўнгги такрорий вазиятда кўринишича, "Машъал" ҳужумчиси тўпни олдинга узатган, "Бухоро" ҳимоячиси эса оёқ билан сирпаниб, тўпга тегмаган ва копток ҳали майдон ташқарисига чиқмасдан рақибни йиқитган.

ВИДЕО


"Бухоро" - "Машъал"

Ҳакам эпизод якунлангуча рухсат берди ва шундагина офсайдни қайд этиб, "Машъал"нинг голини бекор қилди. Кейинчалик бекор қилинган голнинг муаллифи, тўпни киритганини нишонлаш пайтида, футболкасини ечди. Бунинг учун у сариқ карточка олиши керак эди (спортга хос бўлмаган хулқ-атвор). Ҳакам бу ҳолатда уни "кечирди", бу эса хато эди.

ВИДЕО


"Бухоро" - "Машъал"

Менинг фикримча, ҳакам якуний қарорни тўғри қабул қилди, ВАР эса нотўғри аралашди. "Машъал" жамоаси ўйинчиси сирпаниб тўпни шеригига узатди, шундан сўнг рақиб билан тўқнашув юзага келди. Қоида бузган футболчининг оёғи букилган, унинг ҳаракатларида эҳтиётсизлик кўринмайди. Тўқнашув инерция туфайли содир бўлди, бунда майса устида "сирпанаётган" оёқ билан тегиб кетиш ҳолати кузатилган. Бу сариқ карта учун асос бўлмайди, қизил карточка ҳақида эса гапирмаса ҳам бўлади.

ВИДЕО


ОКМК – "Андижон"

Ҳакамларнинг тўғри қарори ва ВАРнинг яхши ишини эътироф этиш керак. Эпизод анча мураккаб: бош ҳакам тўпни кузатаётгани сабабли воқеа содир бўлган жойга эътибор бермаган. Бу ерда тўп учун кураш йўқ, ОКМК ўйинчиси томонидан қасддан ва урғу бериб тирсак билан урилган зарба мавжуд.

ВИДЕО


ОКМК – "Андижон"

Ҳакам хато қилиб, "Андижон" дарвозасига пенальти белгилади. Бу вазиятда энг муҳими шуки: ОКМК ўйинчиси тўпга эмас, балки тўпни ўйнашга ҳаракат қилаётган рақиб томон ҳаракатланди. Иккала ўйинчи ҳам бир-бирига деярли параллел ҳолатда туриб, тўпга биринчи етиб бориш учун тенг имкониятга эга эди. ОКМК ўйинчиси шунчаки фол ишлаш ҳаракатини қилди.

P.S. Ўзбекистон футбол ҳакамлари маркази (ЎзФҲМ) ҳам ушбу эпизодда ҳакамнинг хатосини тан олди.

ВИДЕО


✅❌ ОКМК – "Андижон"

Ушбу вазиятда пенальти тўғри белгиланди. Шунингдек, "Андижон" дарвозабонига сариқ карточка кўрсатиш лозим эди (у унинг иккинчи карточкаси бўларди). Дарвозабон режасиз ва тўп учун курашга кеч киришиб, ОКМК ҳужумчисини йиқитди.

ВИДЕО


"Сурхон" - "Пахтакор"

Ҳакамнинг ҳуштаги қачон чалинганини пайқаб бўлмади. Эҳтимол, у кечроқ, аммо "Сурхон" ўйинчиси дарвозага зарба беришидан олдин ҳуштак чалгандир. Агар ҳуштак зарбадан аввал чалинган бўлса, албатта, гол ҳисобга олинмаслиги керак. Ҳакам ё "Пахтакор" ўйинчиси "Сурхон" дарвозабонига тўпни ўйинга киритишга халақит берган заҳоти ҳуштак чалиши, ёки "устуворлик қоидаси"ни қўллаб, мезбонларга ҳужумни якунлаш имконини бериши лозим эди.

ВИДЕО


❌✅ "Сурхон" - "Пахтакор"

Жарима зарбаси ижро этилишидан олдин "Сурхон" ўйинчиси рақибини туртди. Бу кичик услубий хато - аслида ҳакам қайта ҳуштак чалиб, мазкур жарима зарбасини амалга оширишга йўл қўймаслиги керак эди. Туртиш тўп ўйинга киритилишидан олдин, пенальти эпизоди содир бўлишидан аввал юз берган.

Пенальтига келсак, "Пахтакор" ҳимоячиси тўпга қараган ҳолда, чап қўлини олдинга чўзди - бу "шлагбаум" деб аталади. Бундай ҳолатларда ўйинчи ўз ҳаракатлари учун жавобгар ҳисобланади. Натижада у қўли билан рақибининг бўйин соҳасига тегиб кетди. Пенальти тўғри белгиланди, иккинчи сариқ карточка ҳам тўғри кўрсатилди.

ВИДЕО


❌✅ "Сурхон" - "Пахтакор"

Биринчидан, "Пахтакор"нинг 55-рақамли ҳимоячиси истиқболли ҳужумни тўхтатгани учун сариқ карточка олиши шарт. Шундан сўнг у тўпга ўйнайди, "Сурхон" футболчиси эса хавфли тарзда, бутсасининг таг қисмидан фойдаланган ҳолда тўпни олиб қўйишга ҳаракат қилди. Тўқнашув нуқтаси - тўпиқ атрофи. Такрорий вазиятлар орқали оёқни "босиш" ҳолати бўлганми ёки "енгил тегиб ўтиш" ҳолати бўлганми, аниқ кўринмайди. Аммо ҳакам яхши позицияда турган эди ва унинг қарорига қўшилса бўлади.

ВИДЕО


✅❌ "Нефтчи" - "Сўғдиёна"

"Сўғдиёна" мураббийи спортга хос бўлмаган хатти-ҳаракати учун ҳақли равишда сариқ карточка билан жазоланди. Аслида, у можарони келтириб чиқарди. Бундан ташқари, "Нефтчи"нинг 20-рақамли ўйинчисига ҳам сариқ карточка кўрсатиш лозим эди - у можаро жойига анча узоқдан биринчи бўлиб югуриб келди ва жанжалда иштирок этди. У провокацияга учиб, можаронинг авж олишига ҳисса қўшди.

ВИДЕО


"Қизилқум" - "Навбаҳор"

Ҳакамлар жамоамиз билан маслаҳатлашгандан сўнг, пенальти нотўғри белгиланган, деган хулосага келдик. "Навбаҳор" ҳимоячиси тўпни елкаси билан ўйнаган, қўли эса имкон қадар танасига яқин бўлиб, унинг ҳажмини оширмаган.

P.S. ЎзФХМ ҳам бу ҳолатда ҳакамнинг хатосини тан олди.

ВИДЕО


"Қизилқум" - "Навбаҳор"

Мазкур ҳолатда ҳакам ўйинни тўғри давом эттирди. "Қизилқум" ўйинчиси рақибнинг зарбасини оёғининг сон қисми билан тўсди, шундан кейин тўп йўналиши қўл томонга ўзгарди. Қўл танага ёпишган ҳолда эди ва унинг майдонини кенгайтирмаган.

ВИДЕО


Шу тариқа, Суперлиганинг 8-тур ўйинларида ҳакамлар 8 та хатога йўл қўйишди.

Rating: -8   

Comments

championat.asia
< show latest news
Яндекс.Метрика