20 йилдан сўнг, Алланиёзов олган медални Алимов ҳам қўлга кирита оладими?

Боиси, у бугун нафақат бу ёшлар терма жамоасида, балки МТЖнинг ҳам назарига тушаётган ҳужумчиларимиздан бири. Фаолиятини чекка ҳудудларда ўтказаётганлиги боис, жуда камтар. Оғзидан бир гапни олиш учун анча вақт сарфлайсиз. Наврўзга фикр билдиришдан, битта ўйинда иккита гол уриш осонроқ. У билан “Қизилқум”да ишлаб юрган пайтим танишган эдим. Бу футболчи ҳақида ҳозир кўчпилик қизиқиб қолган. Маълумот сифатида шуни келтириб ўтишим мумкинки, уни Алексей Евстафеевнинг тавсияси билан Равшан Ҳайдаров “Қизилқум”га жалб этган. Нукуслик футболчи фаолиятини “Орол”да бошлаган эди. Афсуски бу жамоанинг молиявий ҳолати жуда ҳам қониқарсиз. Акс ҳолда Нукусда кўплаб истеъдодли футболчилар чиқишган бўлар эди.

“Ўзим ўйинга 100% тайёрман. Эртага мураббийимиз Шуҳрат аканинг туғилган кунлари. Уларга совға тайёрлашни ният қилганмиз. Мусобақага жиддий тайёргарлик кўрдик, бу борада ЎФФга раҳмат айтишимиз мумкин. Бир қатор ўйинларда иштирок этдик, мақсадимиз, табийки чемпион бўлиш", - дейди Наврўз Алимов.

Буни қарангки, 1994 йили Ўзбекистон терма жамоаси сафида Бердах Алланиёзов ҳам бўлган. Бу посбон ҳам Қорақалпоғистон вакили эди. Орадан 20 йил ўтиб таркибимизда Нукусдан футболчи ўрин олди. Ўхшашликлар етарлича, энди медални ҳам ўхшатишимиз керак.

Нодирхўжа Юлдашев