2 йил олдин АПЛ хавфли ҳудудида бўлган жамоа бугун ЕЧЛ жадвалини бошқармоқда, улар ҳали гол ҳам ўтказишмаган
23 oct 12:38
News

2 йил олдин АПЛ хавфли ҳудудида бўлган жамоа бугун ЕЧЛ жадвалини бошқармоқда, улар ҳали гол ҳам ўтказишмаган

Кеча тунда Европа Чемпионлар лигасининг 3-тур беллашувларига старт берилганидан хабарингиз бор.

Англияда "Астон Вилла" жамоаси "Вилла Парк"да Италиянинг "Болонья" жамоасини қабул қилди ва 2:0 ҳисобида ғалаба қозонди. Ушбу ғалабадан кейин Унаи Эмери шогирдлари ЕЧЛда 9 очко билан якка пешқадам бўлиб олишди. Олдинги икки турда улар "Бавария" (1:0) ҳамда "Янг Бойз" (3:0)ни таслим этишган эди. Кўриб турганингиздек, "Вилла" ҳали гол ҳам ўтказиб юбормади. Ваҳоланки, ўтган турда Эмери шогирдлари Бундеслиганинг жорий мавсумдаги 7 ўйинида жами 24та гол урган "Бавария"га қарши тўп тепишган.

Тунда бўлиб ўтган ўйинлар натижалари.

"Астон Вилла"дан кейин 7 очкодан тўплаган "Монако", "Спортинг" ва "Арсенал" изма-из қувиб келмоқда. Бугунги ўйинлардан кейин жадвалда яна ўзгаришлар бўлади.

Қизиғи, "Астон Вилла" 2 йил олдин АПЛда хавфли зонага яқин ўринларга тушиб кетган ва 2022 йилнинг октябрь ойи охирида жамоа бошқарувига Унаи Эмери олиб келинган. Эмери келиши билан биринчи ўйинидаёқ (06.11.2022) "Манчестер Юнайтед"ни 3:1 ҳисобида енгган ва уёғига жамоа натижалари яхшиланиб бораверди. Бугунги кунга келиб эса "Астон Вилла" ЕЧЛда гол ўтказмасдан карвонбошлик қилмоқда.

Link :

Source : Championat.asia

Receive latest football news directly on your phone. Subscribe for our Telegram channel!

Rating: +12