17 апрель куни ЖЧ-2022 саралаш босқичига қуръа ташланади, жамоалар орасида Ўзбекистон йўқ
15 apr 2019 14:17
News

17 апрель куни ЖЧ-2022 саралаш босқичига қуръа ташланади, жамоалар орасида Ўзбекистон йўқ

Tags : ЖЧ саралаш Қуръа ЖЧ-2022

ОФК штаб-квартирасида жаҳон чемпионати биринчи саралаш ўйинларига қуръа ташлаш маросими ўтказилади.

Қуръа маросими 17 апрель куни бўлиб ўтади. Маълумки, 2022 йилги жаҳон чемпионати Қатарда ўтказилади. Июнь ойидан бошлаб эса дастлабки саралаш ўйинлари старт олади. Саралаш босқичининг биринчи раундида ФИФА рейтингига кўра Осиё бўйича 35-46 рақамдаги жамоалар иштирок этади.

Бу жамоалар - Малайзия, Камбоджа, Макау, Лаос, Бутан, Мўғулистон, Бангладеш, Гуам, Бруней, Тимор-Лесте, Покистон ва Шри Ланка. Кўриб турганингиздек, саралаш учрашувларининг биринчи раундида 12та жамоа ўзаро баҳс олиб боради. Уй-меҳмон тарзида ўтадиган баҳслардан сўнг 6та жамоа кейинги босқичга йўл олади.

Ўзбекистон миллий терма жамоаси саралаш босқичини 2-раунддан бошлайди. Иккинчи раунд беллашувлари сентябрда бошланади. Бунда ФИФА рейтингига кўра Осиё бўйича 1-34 ўриндаги жамоалар, шунингдек биринчи раунддан муваффақиятли ўтган 6та жамоа, жами 40та терма жамоа иштирок этади.

Link :

Source : championat.asia

Receive latest football news directly on your phone. Subscribe for our Telegram channel!

Rating: +45