10 dec 2018 15:44

"Осиё Кубогида фаворит иккита" - Али Дайи мусобақа олдидан фикр билдирди

Receive latest football news directly on your phone. Subscribe for our Telegram channel!

Осиё Кубокларининг энг яхши тўпурари Али Дайи навбатдаги мусобақа олдидан интервью берди.

Собиқ ҳужумчи интервью давомида иккита фаворит жамоага тўхталди, шунингдек Эрон терма жамоасининг имкониятлари ҳақида фикр юритди.

"Барча қатори мен ҳам Осиё Кубогини интиқлик билан кутяпман. Менимча, бунда фаворит иккита бўлади: Япония ва Эрон. Лекин Япония ҳозир ҳаммадан кучли. Япония терма жамоаси жаҳон чемпионатида жуда чиройли ўйин намойиш этди. Агар Эрон ва Япония финалга қадар бир-бири билан тўқнаш келмаса, ўйлайманки, айнан шу икки жамоа финалда ўйнайди".

"Эрон терма жамоаси охирги уч йилда анча кучайди. Мураббий ва футболчилар бир-бирларини жуда яхши тушуниб қолишган. Менимча, бу мусобақада биздан Алиризо Жаҳонбахш порласа керак. Шунингдек, Саман Годдосдан ҳам умид катта. Терма жамоамиз ҳужумчиси Меҳди Тареми мусобақа тўпурари бўлиши мумкин", - дейди эрон футболи афсоналаридан бири.

Source : the-afc.com