10 dec 2018 12:45

Ўзбекистон миллий чемпионатида энг кўп гол урган футболчиларни биласизми?

Receive latest football news directly on your phone. Subscribe for our Telegram channel!

Ўзбек футболи статисти Бахтиёр Ширинов телеграмдаги ўз каналида турли қизиқарли маълумотларни бериб бормоқда.

Ўзбекистон футболи тарихига назар солсак, ҳар бир даврнинг ўз голеадорлари бўлган. Узоқ ўтмишга назар солсак, Геннадий Красницкий, Биродар Абдураимовлар тўпурарлар рўйхатида бўлишган. Уларнинг ишини кейинчалик Игорь Шквирин, Олег Шацких, Рустам Дўрмонов, Равшан Бозоров каби форвардлар давом эттиришди. Миллий чемпионатимизда биринчи бўлиб 100лик маррани Олег Шацких забт этган. Шацких оғир жароҳат олмаганда балки навбатдаги марраларни ҳам биринчи бўлиб забт этарди. Унга 100ликка кириши учун 6 мавсум кифоя қилган холос. Аниқроқ айтадиган бўлсак, 1992 йил 1-лига вакили "Политотдел"га ижарага берилган Олег, мавсумнинг сўнгги 2 учрашувида "Пахтакор"га қайтади ва олий лигада ўз голлари ҳисобини очади. 1993 йилдан у яна элитага чиққан "Политотдел" сафига қайтади. Унинг голеадорлиги "Навбаҳор"да ҳам давом этди.

Ортда қолган 27 мавсум давомида 21 футболчи 100лик маррани забт этди. Икки футболчи Анвар Бердиев ва Зафар Холмуродов 200лик маррага ҳам етишга улгурган. Зафар бу борада биринчи бўлганди. Аммо кейинчалик Анвар ундан ўзиб кетишга эришди. Ҳозирда тўпурарлар рўйхатини Анвар Бердиев бошқариб бормоқда, - деб ёзади Ширинов ўз каналида.

Ўзбекистон миллий чемпионати тўпурарлари (1992-2018)

№	Футболчи	Гол
1	Анвар Бердиев*	225
2	Зафар Холмуродов	200
3	Шуҳрат Мирхолдиршоев	194
4	Бахтиёр Ҳамидуллаев	178
5	Жаъфар Ирисметов	174
6	Равшан Бозоров	171
7	Умид Исоқов	171
8	Анвар Солиев	164
9	Ойбек Усмонхўжаев	157
10	Рустам Дўрмонов	133
11	Фарид Хабибуллин	131
12	Мухтор Қурбонов	128
13	Нўъмон Ҳасанов	125
14	Носир Отақўзиев	117
15	Сервер Жепаров	111
16	Шуҳрат Раҳмонқулов	108
17	Неъматулло Қуттибоев	106
18	Олег Шацких	105
19	Артур Геворкян*	105
20	Вали Келдиев	104
21	Зайниддин Тожиев	102
22	Игорь Таран*	95
23	Шаҳбоз Эркинов*	95