Осиё кубоги-2019 пайтида "Манчестер Юнайтед" Дубайга боради

Учрашувдан кейинги матбуот анжуманида бош мураббий Оле-Гуннар Сульшер жамоанинг кейинги режалари ҳақида гапирди. Хусусан, МЮ Англия кубоги доирасида "Рединг"га қарши ўйиндан кейин Дубайга йўл олади.

У ерда "Қизил иблислар" 4 кун давомида "One&Only Royal Mirage Arabian Court" комплексида интенсив машғулотлар олиб боришади.

"Шанба куни Англия кубогидаги беллашувдан сўнг биз Дубайга кетамиз ва у ерда ўзимизнинг жисмоний ҳолатимиз устида ишлаймиз. Бу муҳим. Чунки, мартнинг охири, апрель ойига бориб бизга куч керак. Ўйлашимча, ўша куч бизда бўлади", - деди Сульшер.

Эслатиб ўтамиз, 5 январь куни БААда Осиё кубоги-2019га старт берилади.