15 feb 2019 10:40

Назорат учрашуви. "Қизилқум" Қозоғистон клубини мағлуб этди

Receive latest football news directly on your phone. Subscribe for our Telegram channel!

Туркияда ўқув-машғулот йиғинини ўтказаётган Навоийнинг “Қизилқум” жамоаси кеча, 14 февраль куни йиғин давомидаги иккинчи назорат учрашувини ўтказишди.

Навоийликларнинг бу галги рақиби Қозоғистоннинг “Тараз” клуби бўлди.
Муросасиз кечган баҳсда "Қизилқум"нинг қўли баланд келди. Учрашувнинг 76-дақиқасида Элгужа Григалашвили томонидан киритилган гол жамоага ғалаба келтирди. Грузиялик ҳужумчи жамоадоши Шерали Жўраевдан тўпни қабул қилиб олгач, ўзига хос тарзда рақибнинг 2-3 нафар футболчисини алдаб ўтиб, жарима майдончасига кириб борди ва тўпни узоқ бурчакка жойлаб қўйди
"Қизилқум" учрашувни қуйидаги таркибда ўтказди: Черемисин, Убайдуллаев, Каримов,Қамбаров, Ярашев, Усмонов, Бойматов, Бойдуллаев, Саноев, Леука, Григалашвили.

"Қизилқум" - "Тараз" 1:0

Гол: Элгужа Григалашвили 76.

"Қизилқум" матбуот хизмати

Source : Championat.asia