22 jan 2019 23:00

Назорат учрашуви . “Қизилқум” – “Бунёдкор” 3:1

Receive latest football news directly on your phone. Subscribe for our Telegram channel!

Тошкентда ўқув машғулот йиғинини ўтказаётган “Қизилқум” футболчилари бугун йиғин доирасида иккинчи назорат учрашувини ўтказишди.

Аслида режа бўйича навоийликлар кеча АГМКга қарши майдонга чиқишлари лозим эди. Аммо маълум сабабларга кўра бу беллашув ўтказилмади. Шу боис бугун жамоамиз аъзолари Абрамов бошчилигидаги “Бунёдкор”га қарши саф тортишди.

“Чиғатой” спорт базаси сунъий қопламали майдонда кечган беллашувнинг биринчи бўлимида тошкентликлар ҳисобда олдинга чиқиб олишди. Аммо иккинчи бўлимни катта устунлик билан бошлаган навоийлик футболчилари иккинчи қирқ беш дақиқаликда тезлик билан ҳисобни ўзларининг фойдаларига ўзгаритра олишди.

Дастлаб ўнг қанотдан Шерали Жўраевнинг узатиб берган тўпини Алишер Саноев чамаси 16 метрлар масофадан тўхтатмасдан дарвозага аниқ йўллади-1:1. Орадан ҳеч қанча ўтмай яна ўша қанотдан бошланган ҳужумни Саноев муваффақиятли якунлади. Ўйин охирларида захирадан майдонга тушган Бекзод Ғанижонов “Бунёдкор” ҳимоячилари ва дарвозабонини усталик билан доғда қолдиришнинг уддасидан чиқди-3:1.

“Қизилқум” йиғни доирасидаги учинчи назорат учрашувини 24 январь куни ЖАР стадионида “Пахтакор”га қарши ўтказади.

Source : "Қизилқум" матбуот хизмати.