“Галатасарой” Фотиҳ Терим билан шартномани узайтирди

Истанбул клуби Терим билан 2021 йилгача мўлжалланган янги шартнома имзолади. Шартнома яна 3 йилга узайтирилиши мумкин.

Маълумот учун, Терим “Галатасарой”га уч марта (1996–2000, 2002-2004, 2011-2013) бош мураббий этиб тайинланган. Тўртинчи бор у жамоани 2017 йил декабрида қабул қилиб олганди.

Унинг қўл остида жамоа 7 марта Туркия чемпиони, 2 марта мамлакат кубоги ва 2000 йилда УЕФА кубоги соҳиби бўлган.