14 feb 2019 21:27

Андижонда Бахтиёр Ҳамидуллаев ва Раҳим Қодировлар иштирокида ёш спортчилар билан учрашув ўтказилди

Receive latest football news directly on your phone. Subscribe for our Telegram channel!

Жорий мавсумдан бошлаб маҳаллалардаги ҳамда ўқув-юртларида тахсил олаётган ёшлар ўртасида футболни кенг тарғиб этиш мақсадида ҳозирда фаолият олиб бораётган ва фаолиятини тугатган машхур футболчилар иштирокида турли учрашувлар ўтказилиши анъанаси йўлга қўйилмоқда.

Бугун Андижон шахридаги "Олимпия заҳиралари коллежи" мажлислар залида “Андижон” футбол клуби мутасаддилари, Вилоят касб-ҳунар таълим бошқармаси вакиллари, Вилоят маҳалла кенгаши аъзолари, ёш футболчилар, "Андижон" футбол клубининг фахрий футболчилари, клуб фан-клуби аъзолари иштирокида учрашув ўтказилди. Унда ПФЛ Мухлислар билан ишлаш бўлими мутахассислари ҳам қатнашишди.

Унда Вилоят касб-ҳунар таълим бошқармаси бошлиғи ўринбосари Тоҳир Бадалов, Вилоят маҳалла кенгаши раиси ўринбосари Дилшодбек Тожибоев, "Андижон" футбол клуби бош директори Ориф Маматказин, спорт директори Исломбек Рустамов, матбуот котиби Одилбек Толипов, фахрий футболчилар – Бахтиёр Ҳамидуллаев ва Рахим Қодиров, клубнинг бир қатор фан клуби аъзолари ва ёш спортчилар иштирок этишди.

Учрашувдан кўзланган асосий мақсад, спортнинг футбол турини мамлакатимизда кенг тарғиб қилиш, стадионга мухлисларнинг ташрифини ошириш ва уларга кенг шароитлар яратиб бериш, шунингдек ёш футболчилар фахрий футболчилардан ўзлари учун керакли бўлган маслаҳатлар ва ўзларини қизиқтирган саволларга жавоб олишди.

Учрашувда иштирок этган ёш футболчилар "Андижон" футболи собиқ тўпурари, фаолияти давомида "Андижон", "Пахтакор" ва "Нефтчи" каби жамоаларида тўп сурган, Ўзбекистон миллий терма жамоаси собиқ ҳужумчиси Бахтиёр Ҳамидуллаевга ўзларини қизиқтирган саволларга жавоб олишди.