29 oct 2018 19:05

Акром Баҳриддинов: "Ким гол уришидан қатъий назар жамоамиз ғалаба қозонса бўлди"

Receive latest football news directly on your phone. Subscribe for our Telegram channel!

Про-Лига 32-туридан ўрин олган "Истиқлол"-"Машъал" (0:1) учрашувидан сўнг, меҳмонлар футболчиси Акром Баҳриддинов championat.asia сайтига интервью берди.

Бугун қийин учрашув ўтказдик. Ҳар икки жамоа олдига ҳам Суперлига вазифаси қўйилганлиги бугун майдонда жуда қизиқарли ва томошабоп ўйин бўлишини таъминлади. Бугунги учрашув кўп саволларга ойдинлик киритиб бериши керак эди. Энг муҳими керакли натижага эришдик. Қолган учрашувларни ҳам шундай руҳда давом эттириб, Суперлигага чиқишга ҳаракат қиламиз.

Бугун агар қулай вазият бўлса, гол урмоқчи эдим, мақсадимга эришдим, бундан хурсандман. Аслида ким гол уриши муҳим эмас, энг муҳими жамоамиз ғалаба қозонса бўлди.
"Истиқлол" жамоаси ҳақида? Улар ҳақида нима дейиш мумкин, аҳил ва яхши шаклланган жамоа, кучли таркибга эга, ўйинлари анча кучайган "Истиқлол" ўз таркибига Умид Қодиров, Тимур Султонов каби тажрибали футболчиларни жалб этганлиги уларнинг кучини кўрсатиб турибди. Суперлигага чиқиш имконияти "Истиқлол"да ҳам сақланиб турибди.

Бекзод Толибов ёзиб олди.

"Машъал" матбуот хизмати билан хамкорликда тайёрланди.