UZ

Сўнгги янгиликлар

13:00Ориф Маматказин, "Обод" собиқ устози, "Нефтчи" афсонаси — U-19 чемпионатида ишлайдиган мураббийлари билан танишамиз (1-қисм)  1 12:49Санчо "Боруссия"да қолишни истайди  1 12:19Жароҳат олган бўлсада, Кейн терма жамоа лагерига йўл олди   2 11:42АПЛнинг икки вакили Австралияда майдонга тушади  0 11:04Роналду Швеция билан ўйин учун Португалия терма жамоасининг қайдномасига киритилмади  5 10:31Суперлига-2024: 3-тур баҳсли вазиятлари юзасидан Эксперт-ҳакамлар комиссияси хулосаси  5 10:04«Жаҳон чемпионатининг саралаш учрашувларига ёш, тажрибасиз ва янги футболчиларни жалб этиб, уларни ўйин услубига мослаштириш учун вақт йўқ, чунки бу жуда мураккаб» - Катанец ОФК расмий сайтига интервю берди  19 09:51Пике «Барселона» бош мураббийлиги учун икки номзодни айтди  2 09:23Англия терма жамоаси Евро-2024 учун либосини тақдим этди  3 09:15Рустам Мирсодиқов 70 ёшда!  3 08:52«Арсенал»нинг яна бир футболчиси термада ўйнашдан бош тортди  5 08:25Стерлинг кечирим сўради  3 07:58«Атлетико»га қарши учрашувда қизил олган Хави нечта ўйинга четлатилиши маълум  0 07:31Про лига. Бугун турнинг марказий учрашуви бўлиб ўтади  10 00:30Киммих фаолиятини "Сити", "Ливерпуль", "Арсенал", "Реал" ёки "Барса"да давом эттирмоқчи  2

Яхши ҳам Равшан Эрматов бор... Янгиликлар

Яхши ҳам Равшан Эрматов бор...

ЖЧни ҳеч бўлмаса у киши учун кўрамиз деймизда... Яна математика? Тўғри, бизда не не уламолар бўлмаган дейсиз. Компьютер асридан аввал жуда кўп маълумотларни ҳисоб китоб қилиб ташлашган.

Лекин, бу бизнинг мухлисларимизга ҳар циклда икки кара иккини қайта-қайта ёдлатиш керак дегани эмас. Қатарни ютсак, Эрон корейсларни ютса, кейин биз Эронда ҳеч бўлмаса дуранг ўйнаб, ўз уйимизда Жанубий Кореяни мағлубиятга учратсак... сак, сак, сак...

Кеча Жанубий Кореяни мағлубиятидан хурсанд бўлганлар бир нарсани унутган эдилар, биз Кореяга эмас, Хитой Ўзбекистонга яқинлашиб олганди. Статистик маълумотларга кўра иккинчи жаҳон уришидан ҳам чўзилиб кетган Сурия уришидан жабр кўраётган миллат вакиллари, кеча уларга нисбатан барча нарсаси муҳайё қилинган Ўзбекистон миллий терма жамоасини нафақат ҳисоб, балки ўйин борасида ҳам мағлубиятга учрата олдилар. 

Гол уриш бўйича статистика 6:4 Сурия фойдасига, ҳудди шундай ҳолат зарбалар сони, 15га 10. Ҳужумларни фойдали якунлаш ҳам рақибларимизнинг фойдасига, 39-23. Яна бир аянчли маълумот, ҳимоя марказидан бизда биронта футболчимиз ўнг қанот томон ҳужум бошламаган. Бундай ўйин яқин йиллар ичида МТЖда бўлмаган. Майдоннинг ҳолати иккинчи даража, шу майдонда Сурия терма жамоаси уч очкони қўлга киритди.

Эрондан учралган мағлубиятни Одил Аҳмедовни ўйнамаганлиги билан изоҳлаган мураббийимиз, Виталий Денисовни ўрнига, икки йилга яқин уринишдан кейин ҳам ўнг қанотда ўйини чиқмаган Ислом Тўхтахўжаевни чап қанотга қўйганининг тагида қандай фалсафий маъно ётганлигини очиғи биронта футбол мутахассиси тушунмаган бўлса керак. Тўхтахўжаев максимум таянч ҳимоясида ўйнаши мумкин. У қанот ҳимоячиси бажариши мумкин бўлган кучга эга эмас. Унинг жойи марказда ва ўша ердан унумли фойдаланиш керак. Исталган компьютер ўйинини ўйнасангиз кўрасиз, 70 кучга эга бўлган футболчини жойини алмаштиринг, у 35-40га тушиб кетади. Агар Тўхтахўжаев барча нуқатада бирдек ўйнай олганида бугун Денисов олий лигада, у Россияда бўларди. Кримец эса кечаги ўйин учун керак эмас эди. Ўйин амалиётисиз қолиб кетаётган футболчининг хизматидан фойдаланиш кечаги ўйиннинг энг катта хатоси бўлди. Ўнг қанот муаммосини аллақачон Шораҳмедов билан ёпса бўларди. Аммо бу иш қилинмади, Турсунов МТЖдаги фаолиятини якунлаб қўйса ҳам бўлаверади, энди уни чақиришдан фойда йўқ. 

Ачинарлиси шундаки, Бабаяннинг ўйинини ўқиб олган Сурия терма жамоаси бош мураббийи ҳимояга ётиб олмади. Биздан ортиқ ҳужум қилган бўлса қилдики, автобус ҳақида умуман ўйламади. Исталган мухлис терма жамоамиз таркибини айтиб бера олади, қачон, кимни ўрнига қайси футболчи тушишини. Шундай паллада, тасаввур қилинг рақибнинг МУРАББИЙИ бизни қандай ўрганади?

Сурия билан ўйиндан кейин қолган тўртта ўйинни ютишимизга ишонадиганлар йўқ эмас. Лекин нариги томондан Саудия Арабистони эмас, Австралия ёки Японияни чиқиб келиш эҳтимоли юқори эканлигини инобатга олсак, ортиқча сиқилмасдан, эсон омон шу циклни тугатиб олай дейсан киши. Айнан кеча бизга ўша пайтлар миллионлаб футбол мухлисларига ёқмай қолган Қосимовнинг "қанот" тактикаси етишмади. Мураббий ақилли (рақиб) бўлса марказни ёпиб қўйиш осон. Ундан кейин бизда Месси ёки Роналду йўқ-ки, 3-4 кишини кўрмадим деб кириб борса. Майдон марказидан иш чиқмаган бўлсада, Рашидовни тушириш орқали қанотни кучайтириш мумкин эди. Рашидов ўйнолмаган тақдирда ҳам, кечаги ўйин фонида энг яхши бўлиши мумкин эди. Баҳоналар ўтмайди бизга, етар балки? 

Терма жамоа қариб бораяпти, бундан 2-3 йил аввалги ўйиндан асар ҳам йўқ. Бундай паллада биронта мураббий уни қабул қилиб олишга ботина олмаса керак. Бабаян, агар ишдан олинмаганимда натижага бари-бир эришардим деган гапни кейинчалик айтмаслиги учун, циклни давом эттириши керак. Биз ва сиз бунга кўникишга мажбурмиз, энди Қатарда бўлиб ўтадиган ЖЧга тайёргарлик кўриш, таркиб ютса-ютмаса ёшартириб юбориш керак. Эртага бу ишни қилгандан кўра, эртанги муваффақият йўлида бугун бошлашимиз керак. Ўзгарган МТЖ натижага эришишни бошлаб қолган тақдирда ҳам, бизга янги хориждан мураббий керак.

Бизни душманга чиқараётган айримлардан сўрардик-ки, биз халқ душмани эмасмиз, билиб қўйинг, биз Сизлардан кўра кўпроқ муваффақиятни истаймиз, ўзингизни алдаб нимага эришаётганингизни кўринг. На МТЖда, на ЁТЖ, на ЎТЖда натижа қолмади. Натижа-ку, майли ўйинни ўзи армон бўлиб қолаяпти...

Ҳа, айтгандай, яхши ҳам Равшан Эрматов бор! Яна бир нарса бор, агар футболкани ранги билан ғалаба қозониб юриш мумкин бўганида, олий лигамизда ҳамма кўк рангдаги футболкани кийиб олган бўларди. Яхшиси кейинги сафар футболкалар ҳақида маълумот бераётганда, фақат меҳмон жамоаникини айтиб қўйсангиз бўлгани. 

П.С: Биз МУХЛИС томонидамиз, Сиз биз томонда бўлинг. Сайт зарарига ишлаши мумкин бўлган фикрларни ёзмаслигингизни илтимос қиламиз!


Рейтинг: +127   

Фикрлар

championat.asia
Яндекс.Метрика