UZ

Сўнгги янгиликлар

18:30Бузилаётган "Бухоро" стадионининг майдони қандай ҳолатда?  5 18:05Перес Гарначони "Реал"га олиб келмоқчи  1 17:44Максим Шацких: "Ёш футболчилар ҳар доим ҳам стабил ўйнай олишмайди"  7 17:12Футбол олами. "Пахтакор"да 0:3, "Навбаҳор"да дуранг, "Насаф" ва "Нефтчи"да ғалаба. Суперлиганинг 3-тури ҳақида  0 16:51ПРО-Лига. "Қўқон-1912" - "Бухоро": Асосий таркиблар маълум  11 16:11"Ливерпуль" бир нечта клубдан иборат тармоқ яратмоқчи  0 15:34Лени Йоро "Реал"га ўтмоқчи   5 15:003-тур ўйинларидан бирида тўртта ҳакамлик хатоси бўлди. Ҳакамлик бўйича экспертимиздан таҳлил  0 14:52Саудия Арабистонидан бўлаётган қизиқишга қарамай, "Челси" Стерлингни сотмайди   0 14:23"Жирона" "Краснодар" футболчисига кўз тиккан  2 13:55Ўзбекистон терма жамоаси Гонконгга етиб борди  14 13:44"Лацио" сотилмайди!"  0 13:22"Ал Аҳли" Аргентина термаси ярим ҳимоячисини сотиб олмоқчи  0 13:00Ориф Маматказин, "Обод" собиқ устози, "Нефтчи" афсонаси — U-19 чемпионатида ишлайдиган мураббийлари билан танишамиз (1-қисм)  2 12:49Санчо "Боруссия"да қолишни истайди  1

“Сурхон”: Навбатдаги рақиб — "Динамо" (Самарқанд) Янгиликлар

“Сурхон”: Навбатдаги рақиб — "Динамо" (Самарқанд)

Теглар :  Сурхон
Шу кунларда биринчи лига вакили Термизнинг “Сурхон” жамоаси аъзолари пойтахтимизда янги мавсумга ҳозирлик кўрмоқда.

Вали Келдиев бош мураббийлигида ўқув-машғулот йиғини ўтказаётган термизликлар 17 февраль куни дастлабки назорат учрашувида олий лиганинг “Сўғдиёна” футболчилари (0:1) билан куч синашганини хабар қилгандик. 19 февраль куни “Сурхон” жамоаси Навоийнинг “Қизилқум” вакилларига қарши майдонга тушди.

Учрашувнинг 44-дақиқасида Санжар Шомуродов навоийликлар посбони Артём Макосинни чиройли тарзда доғда қолдирди ва ҳисобни очди.

Ўйиннинг 79-дақиқасида Самандар Шодмонов ҳисобни тенглаштирди — 1:1.

Назорат учрашувининг асосий дақиқасида бошқа ҳисоб ўзгармади. Учрашув бош ҳаками Ҳасан Рўзиев томонлар розилиги билан ўйинга яна 10 дақиқа қўшиб берди. Бундан унумли фойдаланган “Қизилқум” футболчилари 90+8-дақиқада Алишер Юсуповнинг жаримадан йўллаган аниқ зарбаси эвазига ғалаба қозонишди — 1:2.

“Сурхон” жамоаси мураббийлар штаби асосий эътиборни натижага эмас, аксинча жамоа ўйинини шакллантиришга қаратишяпти. Жумладан, “Қизилқум”га қарши баҳсда ҳам термизликлар сафида бир қатор янги футболчилар кўрикдан ўтказилди.


Термизликларнинг таркиби қуйидагича кўриниш олди:
“Сурхон”:
Александр Корнейчук, Убайдулло Холиқулов, Санжар Шомуродов, Сирож Аллаев, Жафар Исмоилов, Сарваржон Холматов, Нажмиддин Нормуродов, Ботир Тўраев, Низом Норов, Хуршид Йўлдошев, Баҳодир Муртазоев.

Иккинчи бўлимда захирадан майдонга тушганлар: Зафар Қорақулов, Санжар Баротов, Акбар Муродов, Икром Кўчимов, Шохруҳ Жўрабеков.

Бу учрашув чоғида ёш футболчилар Жўрабек Рўзиев, Темур Мамадалиевлар алоҳида индивидуал машғулот олиб боришди.

Ўтказилган дастлабки икки назорат учрашувидан сўнг, Шукур Жумабоев, Бобуржон Бўронов, Зафар Қорақуловларга жавоб берилди.

Бугун термизликлар машғулотларига Нуриддин Ҳасанов (“Бунёдкор”), Фаррух Ҳайдаров (“Шўртан”), Миржалол Қурбонов (“Қўқон-1912”) каби футболчилар келиб қўшилдилар.

Режага кўра, “Сурхон” жамоаси навбатдаги ўртоқлик учрашувини 21 февраль куни Самарқанд динамочиларига қарши ўтказади. Бу учрашув Чилонзордаги сунъий футбол майдонида соат 14.30 да бошланади.

Рейтинг: +5   

Фикрлар

championat.asia
Яндекс.Метрика