UZ

Сўнгги янгиликлар

10:00ЦСКА РПЛнинг энг кучли футболчиси кимлигини айтди  0 09:3410 ойга четлатилган Тонали яна узоқ муддатга дисквалификация қилиниши мумкин  0 09:10«РБ Лейпциг» грандлар қизиқаётган футболчига нарх қўйди  0 08:47Златан рамзий термасини тузди ва ўзини қўшмади. Нега қўшмаганини эса Ибра супер тарзда тушунтириб берди  4 08:25Фабрицио Романо Хаби Алонсонинг келажагини очиқлади  3 07:49Про лига. Бугун учинчи тур якунланади  1 07:25Суперлига. Бугун Олмалиқ ва Қаршида ўйинлар бор  1 01:46"Фулхэм" стадион трибунасида очиқ бассейн қурмоқчи  1 01:29Абдуқодир Ҳусанов "Лилль" билан ўйинни ўтказиб юборади  1 00:52Италиялик жаҳон чемпиони Қозоғистонга ташриф буюрди  7 00:35Роналдунинг либосини кийган таниқли блогер Мессига алоқадор ресторандан ҳайдаб юборилди  15 00:18Вадим Абрамов: Самарқанд — иккинчи пойтахт. Шундай экан, бу ерда яхши жамоа бўлиши керак"  16 23:37БАА футбол федерацияси ёшини сохталаштирган 18 нафар мисрлик футболчини депортация қилди  2 23:10Веско Стешивич: "Биринчи бўлимда яна битта гол урганимизда, ғалаба бизники бўларди"  1 22:40Мексикадаги матбуот анжуманида бутун жамоа иштирок этиб, мухлислардан узр сўради  1

Сергей Лушан: “Ал Айн” сафида ўзга сайёралик ўйнайди” Янгиликлар

Сергей Лушан: “Ал Айн” сафида ўзга сайёралик ўйнайди”

"Бунёдкор" ҳамда "Ал-Айн" ўртасидаги Осиё Чемпионлар лигаси гуруҳ босқичи 2-тур учрашувидан олдин мезбон жамоа мураббий Сергей Лушан ҳамда футболчи Достон Ҳамдамов иштирокида ўйинолди матбуот-анжумани бўлиб ўтди.

“Эртага жуда жиддий жамоа рақиблик қилади. 3 йил ичида бунчалик кучли жамоага қарши ўйнамаганмиз. Фикримча “Ал Айн” мусобақа фаворитларидан бири”, - дейди Сергей Лушан. 

“Жуда қийин ўйин бўлади. Гуруҳимиз фаворитига қарши ўйнаймиз. Ўзбекистонга ва “Бунёдкор”га ғалаба келтиришга уринамиз”, - дейди Достонбек Ҳамдамов. 

- Рақибнинг ўйинларини кўриб чиқдингизми?

- Албатта клуб матбуот хизмати сайъ ҳаракати туфайли бунга эришдик. Бу жамоани анчадан буён кузатиб келаман. Умар Абдулраҳмонни “ўзга сайёралик” десак ҳам бўлади. 

- Жамоа мухлисларини бир нарса ташвишга солмоқда. “Бунёдкор” мавсумни яхши бошлайди, кейин пасайиш кузатилади. Бу йил шундай бўлмаслигига ваъда бера оласизми? 

- Мақсадимиз ёшларни табриялаш. Шу боис ОЧЛ финалига чиқишни ваъда бера олмайман. Мен ҳам йилига 8 миллион маош оладиган футболчиларни рўйхатини тузиб шуларни олиб келинглар Ўзбекистон чемпиони қиламан ва ОЧЛ финалига олиб чиқаман дейишим мумкин эди. Аммо клуб сиёсати шундай: ёшларни тарбиялаш ва терма жамоага фойда келтириш. 

- Жамоада кўплаб ёшлар бор. Аммо негадир уларни майдонда бошқарадиган тажрибали футболчи қолмагандек туюлмоқда. 

- Албатта тажрибали ва маҳоратли футболчини сафига қўшиб олишимиз мумкин эди. Аммо бунга катта пул керак. Нурилло Тўхтасинов 1997 йилда туғилган. У ҳали 20 ёшга ҳам тўлмаган. Ундан келажакда ажойиб футболчи етишиб чиқиши мумкин. Биз хориждан қиммат футболчиларни олиб келишни истамаймиз ва бунга уринмаймиз ҳам. 

- Бу саволни рақиб устозига ҳам бердим: Эртага ким фаворит? Ўтган йилги финалчи “Ал Айн”ми ёки ўз майдонида ўйнайдиган “Бунёдкор”ми?

- Сиз нима деб ўйлайсиз? Ҳа мен реалистман. Эртага бизга қарши жуда кучли жамоа ўйнайди. Агар йигитларим барча кўрсатмаларни бажаришса ғалаба қозонамиз. Ғалаба қозонсак бундан албатта хурсанд бўламиз. 


- Гадоев “Бухоро”га кетди, Ҳамдамов ва Шомуродов бошқа клубга ўтиши мумкинлиги ҳақида хабарлар чиқди. Агар булар кетишса гуруҳдан чиқсангиз янги футболчиларни оласизми?

- Футболда ўзгартириб бўлмайдиган футболчилар йўқ. Шу боис ҳар қандай вазиятга тайёр турамиз. Агар ёшлар хорижга йўл олишса уларга омад тилаймиз ва ишлашда давом этамиз.

- Ёшларни майдонга тушираяпсиз. Аммо “Ал Аҳли” билан ўйинда айнан ёшларнинг хатоси туфайли ютқаздинглар. Улар билан гаплашиб олдингизми?

- Албатта доим гаплашамиз. Аммо футбол шундай нарса хато қилсангиз ютқазасан. Ўз футболчиларимга ишонишда давом этаман. 

- Жамоадаги ички муҳит қандай ҳолатда? 

Достонбек Ҳамдамов: - Муҳит аъло даражада. Эртага ютишга уринамиз. Жамоада икки футболчи ўйнамайди балки 11 нафар футболчи ҳаракат қилади. Мухлисларни хурсанд қилишга уринамиз.


Нарзулла Сайдуллаев

Рейтинг: +10   

Фикрлар

championat.asia
Яндекс.Метрика