UZ

Сўнгги янгиликлар

10:04«Жаҳон чемпионатининг саралаш учрашувларига ёш, тажрибасиз ва янги футболчиларни жалб этиб, уларни ўйин услубига мослаштириш учун вақт йўқ, чунки бу жуда мураккаб» - Катанец ОФК расмий сайтига интервю берди  1 09:51Пике «Барселона» бош мураббийлиги учун икки номзодни айтди  0 09:23Англия терма жамоаси Евро-2024 учун либосини тақдим этди  1 09:15Рустам Мирсодиқов 70 ёшда!  1 08:52«Арсенал»нинг яна бир футболчиси термада ўйнашдан бош тортди  4 08:25Стерлинг кечирим сўради  2 07:58«Атлетико»га қарши учрашувда қизил олган Хави нечта ўйинга четлатилиши маълум  0 07:31Про лига. Бугун турнинг марказий учрашуви бўлиб ўтади  8 00:30Киммих фаолиятини "Сити", "Ливерпуль", "Арсенал", "Реал" ёки "Барса"да давом эттирмоқчи  2 23:45Гризманн 2017 йилдан бери илк марта Франция терма жамоаси ўйинларини ўтказиб юборади  5 23:10"Ливерпуль" ҳужумчиси март ойида терма жамоасига ёрдам бера олмайди  0 22:47"Ювентус" катта товон пулидан қўрқиб, Аллегри билан хайрлашмоқчи эмас  3 22:09Ўзбекистон Суперкубогида ишлайдиган ҳакамлар номи эълон қилинди  1 21:29Португалия терма жамоаси Евро-2024да фойдаланадиган либослар намойиш этилди  2 21:16Бруну Фернандеш: "Қоидани ўзгартириш керак"  3

ЖЧ–2018 саралаши. Ўзбекистон – Қатар учрашуви превьюси Янгиликлар

ЖЧ–2018 саралаши. Ўзбекистон – Қатар учрашуви превьюси

Осиё минтақасидан ЖЧ–2018 турнирига саралаш босқичи “А” гуруҳи 7-турида Ўзбекистон терма жамоаси Тошкентда Қатар футболчиларига қарши баҳс юритади.

Мазкур ўйин 28 март, сешанба куни Тошкент шаҳридаги 34 минг мухлисга мўлжалланган “Бунёдкор” стадионида бўлиб ўтади. Беллашув соат 18:00 да бошланади.

Ўзаро учрашувлар

Ўзбекистон терма жамоаси Қатарга қарши 12 та беллашувда иштирок этиб, 7 марта ғалаба қозонган. 3 ўйинда қатарликлар зафар қучган ва 2 тасида томонлар муроса кўчасини танлаган. Қатар терма жамоаси Тошкентда 4 марта меҳмон бўлиб, барчасида имкониятни бой берган.


Жамоалар ўртасидаги сўнгги 5 учрашув натижаси:

06.09.2016
Қатар – Ўзбекистон 0:1 | ЖЧ–2018 саралаши

06.10.2014
Қатар – Ўзбекистон 3:0 | Ўртоқлик учрашуви

18.06.2013
Ўзбекистон – Қатар 5:1 | ЖЧ–2014 саралаши

16.10.2012
Қатар – Ўзбекистон 0:1 | ЖЧ–2014 саралаши

07.01.2011
Қатар – Ўзбекистон 0:2 | Осиё Кубоги–2011



ФИФА рейтингидаги ўрни

Ўзбекистон миллий терма жамоаси айни дамда 561 очко билан ФИФА рейтингида 63-поғонадан жой эгаллаб турибди. Осиё мамлакатлари орасида миллий терма жамоа Эрон, Жанубий Корея, Япония, Австралия ва Саудия Арабистонидан кейин олтинчи ўринда жойлашган.

Қатар терма жамоаси 415 очко билан жаҳон рейтингида 84-поғонада бормоқда. Осиё мамлакатлари орасида эса Қатар юқоридаги мамлакатлар ва БААдан кейин 8-ўринда бормоқда.



Йўқотишлар

Ўзбекистон терма жамоаси ҳимоячиси Виталий Денисов жароҳати туфайли, Ислом Тўхтахўжаев эса сариқ карточкалари тўпланиб қолгани учун Қатарга қарши ўйинни қўйиб юборади.

Қатар сафида Буалем Хухи Эрон билан баҳсда огоҳлантириш олганди ва шу сабабли битта ўйинга дисквалификация қилинди.



Учрашув расмийлари

Учрашув бош ҳаками этиб ироқлик Муҳаммад Қосим Саррай тайинланди. Қанотларда унинг ҳамюртлари Муҳаммад Муайяд Али ва Вотҳиқ Обаид ал-Суайди ишлайди.

Тўртинчи ҳакам вазифасини ҳам ироқлик Зоид Тамер Муҳаммад бажаради. Ҳакамлар назоратчиси – Ёқуб Муҳаммад Родзали (Малайзия). Учрашув комиссари этиб ҳиндистонлик Принц Руфус тайинланди.

Гуруҳдаги вазият

ЖЧ–2018 турнирига Осиё минтақасидан саралаш босқичи “А” гуруҳи 6-туридан кейин Эрон терма жамоаси 14 очко билан пешқадамлик қилмоқда. 6-турда мағлубиятга учраган Жанубий Корея 10 очко билан 2-ўринни сақлаб қолди. Сафарда Сурияга имкониятни бой берган Ўзбекистон терма жамоаси ҳам 9 очко билан учинчи ўринда қолди. Кейинги ўринлардан мос равишда Сурия (8 очко), Хитой (5 очко) ва Қатар (4 очко) терма жамоалари жой эгаллаган.

№       

Жамоа

Ўйин        

Ғалаба       

Дуранг        

Мағлубият     

Т/Н      

Очко

1

Эрон

6

4

2

0

5-0

14

2

Жанубий Корея

6

3

1

2

8-7

10

3

ЎЗБЕКИСТОН         

6

3

0

3

5-4

9

4

Сурия

6

2

2

2

2-2

8

5

Хитой

6

1

2

3

3-6

5

6

Қатар

6

1

1

4

3-7

4



Бугун, 28 март куни “А” гуруҳида, шунингдек, Эрон терма жамоаси ўз майдонида Хитойни қабул қилади. Сурия термаси эса Жанубий Корея меҳмони бўлди.

ЖЧ–2018 саралаши
“А” гуруҳи, 7-тур

Жанубий Корея – Сурия (16:00)
Эрон – Хитой (17:00)
Ўзбекистон – Қатар (18:00)

Изоҳ: Юқоридаги соатлар Тошкент вақти билан кўрсатилган

Рейтинг: -21   

Фикрлар

championat.asia
Яндекс.Метрика