UZ

Сўнгги янгиликлар

20:35Суперлига. "Қизилқум" – "Локомотив" 0:0 (матнли трансляция)  5 20:07Суперлига. ОКМК - «Бунёдкор» 1:0 (Матнли трансляция)  2 19:45"Ливерпуль" "Ювентус" ҳимоячисини сотиб олмоқчи  0 19:19"Челси" ва "Атлетико" "Атланта Юнайтед" ўйинчисига даъвогар  1 18:43"Манчестер Юнайтед" ва "Атлетико" "Болонья" ҳимоячисига қизиқмоқда  0 18:00Максим Шацких: "Украина терма жамоаси ҳозирги таркиб билан Еврода узоққа бориши мумкин"  16 17:26Про лига. "Машъал" сафарда "Олимпик-MobiUz" билан дуранг ўйнади  4 17:11АПЛ болбойларнинг ўйинга таъсирини чеклайди  1 16:45МЮ "Ювентус" футболчиси учун ўз вингерини беришга ва қўшимча тўлов қилишга тайёр  1 16:11"Барселона" тарбияланувчисини қайтармоқчи  2 15:41"Ницца" АПЛ клублари қизиқаётган ҳимоячиси учун нарх белгилади  0 15:10ПСЖнинг 2 нафар футболчиси сафга қайтди  0 14:08Шенсни "Юве"да қолиши учун маоши камайишига рози бўлиши керак  1 13:40Гризманн қайтди  1 13:21Дилмурод Назаров хотирасига бағишланган "Наврўз Кубоги-2024" мусобақаси қандай ўтди?  9

Нодирхўжа Юлдашев билан "on line" конференциядан энг сара саволлар Янгиликлар

Нодирхўжа Юлдашев билан "on line" конференциядан энг сара саволлар

20 октябрь куни сайтимиз раҳбари Нодирхўжа Юлдашев билан "on line" конференция бўлиб ўтди.
Биз юборилган саволлар орасидан энг сараларини танлаб олиб уни тақдим этишга қарор қилдик.

Савол: Сайтдаги “юзерлар”ни бир жойга йиғиб футбол ўйнасак бўладими? Шуни ташкиллаштиришнинг иложи борми?
Championat.asia: Албатта, иложи бор. Кейинги ҳафта зал гаплашиб кўргач, бу ҳақда хабар берамиз.

Савол: Мени қизиқтираётган масала шуки, “СА”нинг туғилган кунини нишонлашга ҳаракат бошландими? Яна ўтган йилгидек тадбир бўлса, биз албатта қатнашардик.
Championat.asia: Миллий терма жамоамиз 2 декабрь куни БААга учиб кетишини инобат олиб туғилган кунни сал эртароқ нишонлаймиз. Бу йил хайрия тадбирини ҳам ўтказамиз. Хайриядан тушган пулларни Камолиддин Кенжаевга ажратамиз. Яхши биласиз, бу футболчи автофалокатга учраганидан сўнг ногирон бўлиб қолган.

Савол: Сайтда “Футбол башорати” лойиҳаси етишмаяпти. Шу лойиҳа ташкил қилингундек бўлса, биз ўқувчилар учун яхши бўларди.  
Championat.asia: “Футбол башорати” лойиҳасини агар улгурсак Австралиядаги Осиё чемпионати пайтида ишга туширамиз.

Савол: Сайтда БМЛга ўхшаган қизиқарли савол-жавоб ўйинини ташкил қилсангиз?
Championat.asia: БМЛ билан “Кеча, бугун, эртага” лойиҳасини кейинги ҳафтадан яна давом эттирамиз. Шунингдек, “12-сектор” лойиҳасини ҳам.

Савол: Сайтга қўйилаётган видеоларни телефонга кўчириб бўлмаяпти. Бу муаммони ҳал қилса бўладими? Чунки биз мухлислар учун голларни кўчириб олиб кейин кўриш қизиқ.
Championat.asia: Буни амалга ошириш учун катта серверимиз бўлиши керак. Бу эса катта харажатни талаб қилади. Ҳозирча mytube.uz билан ишлаяпмиз. Агар mytube.uzда рўйхатдан ўтсангиз, кўчириб олиш имконига эга бўласиз.

Савол: Fifa.uzнинг очколарини қандай ҳисоблайсизлар? Очколар бирорта сайт ёрдамида ҳисобланадими?
Championat.asia: Хориж чемпионатларини Спортс.ру маълумотлари асосида, олий лигани эса ўзимиз ҳисоблаймиз. Тўғри, баъзан хатолар бўлиб туради ва бунинг учун узр сўраймиз.

Савол: СА жудаям зўр, лекин менимча 12та вилоятнинг ҳар бирида биттадан махсус мухбир бўлиши керак ва ўша ходим вилоят футболига оид янгилик, хабарларни бериб борса яхши бўларди. Масалан, мен Нукусда яшайман ва СА учун маошсиз ишлашга тайёрман.
Championat.asia: Таклиф учун раҳмат. Аммо ҳамма ҳам сиз каби маошсиз ишлашга рози эмас. Сайт ташкил қилинганидан бери бу борада бир неча бор эълон ёздим. Менга келадиган хатлардаги биринчи савол МАОШ ҚАНЧА?

Савол: Яқин йиллар ичида сайт ўз ташаббуси билан лицензияланган футбол телеканали очиш нияти йўқми?
Championat.asia: Йўқ. Бу жудаям катта харажатни талаб қилади. ТВ жуда катта ҳажмдаги иш ҳисобланади.

Савол: Маълумки, ҳақоратли сўзларни ишлатган “юзерлар” блок қилинади. Шунингдек, сўкинмаса ҳам бировларнинг ғашига теккан, жанжал чиқарган ва бемақсад “комент” ёзганларни ҳам блок қилиш керак деб ўйлайман. Бунинг иложи борми?
Championat.asia: Бу борада бугуннинг ўзиданоқ ишга киришамиз. Сиз ҳақсиз, улар бошқаларнинг асабига тегиш билан бирга бизни ҳам ишдан чалғитишмоқда.

Савол: Сайтда футболдан бошқа спорт турлари ҳам ёритиб борилса яхши бўларди.
Championat.asia: Бунинг учун OLAMSPORT.COM сайтини ишга туширганмиз.

Савол: Нега сайтда ҳамма чемпионатларнинг тақвими йўқ? Сайтнинг олдинги кўринишида ҳатто биринчи лиганинг ҳам тақвими бўларди. Жавоб учун олдиндан раҳмат.
Championat.asia: Чап томондаги менюда хориж чемпионатларники бор. Шунингдек, олий лигамизнинг ҳам тақвими бор.

Савол: Сайт дизайнига нима учун эътибор берилмаяпти?  Сайтга кирганда хабарлар ҳам ўзбек, ҳам рус тилида чиқиб қоляпти. Мен сайтда бугун регистрациядан ўтдим ва шу саволларга жавоб олишни хоҳлайман.
Championat.asia: Аниқ бир тилни танлаш учун “Янгиликларни саралаш” бўлимига кириб, ўзингиз учун ўзбек тилини танласангиз кифоя.

Савол: Терма жамоадаги футболчилар билан чиқишиб кетиш осонми?
Championat.asia: Улар ҳам биз каби инсон, шундай экан ҳамма билан тил топишиб кетса бўлади.

Савол: Сайтга футболимиз раҳбарлари ҳам киришадими? Мухлислар қолдираётган “коментлар”ни ўқишадими? Сайт “юзерлари” орасида бирорта таниқли футболчи борми?
Championat.asia: Балки ишонмассиз, аммо бугун футбол ичида юрган беш киши билан учрашдим ва уларнинг ҳаммаси битта саволни беришди: “Онлайн конференция неччида эди?” Жуда кўпчилик сайтимизни ўқийди: раҳбарлар, мураббийлар, футболчилар... Шунинг учун маъноли фикрлар қолдирилса дейман.

Савол: Камолиддин Кенжаевнинг соғлиги қандай? “Насаф”да ўйнаган кезлари у Қашқадарё ёқимтойи эди.
Championat.asia: Кенжаев умуман юра олмайди. Уйи бир аҳволда, кўрсангиз раҳмингиз келиб кетади. Шунга сизлар ҳам ёрдам берсангиз яхши бўларди, Қаршидан ҳеч бўлмаса икки хонали уй олиб беришимиз керак. Футболчилар ҳам ёрдамга шай. Мен ўзимиз учун пул сўрамаганман. Агар имкони борлар шу йигитга ёрдам берсак, катта савоб иш қилган бўлардик.

Савол: Чатхона очишнинг иложи йўқми? Ҳозир қайси янгиликка кирсак, ўқувчилар чат қилиб юборишган.
Championat.asia: Бунинг иложи бор, лекин чатни назорат қилиш осон эмас. Шундай экан, ҳозирги шароитдан келиб чиқиб майли “юзерлар” хориж футболига оид хабарларни чатхона қилсинлар, лекин ўзбек футболини эмас.

Савол: Нима учун баъзи мақола тагида жанжал чиқарганлар блок қилинмайди? Аксинча, ўшаларга қарши чиқиб уришма деганлар блок қилинади. Блок қилинмаётганларнинг сизга яқин жойи борми ёки блок қилинаётганларга нисбатан адоватлимисиз?
Championat.asia:
Менинг ҳеч кимга яқин жойим ҳам, адоватим ҳам йўқ. Албатта, ким сўкинса ўша заҳоти блок қилинади. Кейин биз одатда қолдирилган фикрларнинг бошига чиқиб, ким жанжал чиқарганини ўрганиб чиқамиз ва шундан сўнг блок қиламиз. Унга мажбуран жавоб берганларга баъзан индамаймиз.
Рейтинг: +1   

Фикрлар

championat.asia
Яндекс.Метрика