UZ

Сўнгги янгиликлар

00:35Роналдунинг либосини кийган таниқли блогер Мессига алоқадор ресторандан ҳайдаб юборилди  2 00:18Вадим Абрамов: Самарқанд — иккинчи пойтахт. Шундай экан, бу ерда яхши жамоа бўлиши керак"  3 23:37БАА футбол федерацияси ёшини сохталаштирган 18 нафар мисрлик футболчини депортация қилди  1 23:10Веско Стешивич: "Биринчи бўлимда яна битта гол урганимизда, ғалаба бизники бўларди"  0 22:40Мексикадаги матбуот анжуманида бутун жамоа иштирок этиб, мухлислардан узр сўради  0 22:23Клублар миқёсида халқаро турнирларда энг кўп “қуруқ” ўйин ўтказган дарвозабонлар маълум бўлди  0 22:06Роналду Саудия Арабистони чемпионатидаги энг омадсиз ҳужумчи бўлиб турибди  21 21:49Уругвай термаси техник ҳамкорсиз қолди, жамоа брендсиз либосларда ўйнамоқда  2 21:26Суперлига. "Динамо" — "Металлург" 2:1. Highlights  0 21:07"Бухоро" ва "Хоразм" ўртасидаги марказий учрашувдан ГАЛЕРЕЯ  2 20:57Футзал. Ўзбекистон иккинчи ўйинда Қирғиз Республикасини мағлуб этди  0 20:56Суперлига. "Динамо" "Металлург" устидан мавсумдаги илк ғалабасини қўлга киритди  24 20:32Дунёнинг етакчи лигалари ФИФАни судга бермоқчи  4 20:15"Локомотив" "SWM Motors" билан ҳамкорлик шартномаси имзолади  1 20:00Руслан Аҳмедов: "Биз натижа учун ўйнаяпмиз. Чиройли ўйин иккинчи даражали"  1

Мурод Исмоилов ишдан кетиши керакми? Янгиликлар

Мурод Исмоилов ишдан кетиши керакми?

Очиғи, шу инсонга ачиниб кетдим. Ҳалол кишиларнинг ишлаши қийин бўлиб қолди ўзи бу лигада. Ё росмана кучли бўлишинг, ё зўр шахмат ўйнашинг керак.
2012 йил Равшан Ҳайдаров "Қизиқлум" постига келганди. Бошида осон бўлмади, кейин ҳаммаси изига тушиб кетди. У киши ҳам Исмоилов каби "Пахтакор"дан кетганди. Сал вақт ўтиши билан "Қизилқум"да зўр жамоа шаклланди. Клубда пул йўқлиги учун натижа фақат мураббий ва футболчиларнинг маҳорати эвазига қўлга киритилиши мумкин эди. Натижалар яхшиланавергач, баъзи клублар қинғир ишларни таклиф қила бошлади. Равшан Акмаловичда бундай одат йўқ эди. Нима учун буларни ёзяпман, ўзим ҳам шу клубда бир йил ишладим. Якунда нима бўлди, Ҳайдаровнинг тагига очиқчасига сув қуйишди. Уни кетказишдан манфаатдорлар бўлди. Ўрнига келишни истаганлар кўпайди. Якунда бу ишни амаллашди. Охири нима бўлди, "Қизилқум"да парокандалик юзага келди. Кейин ҳамма кетди. Ҳозирга келиб жамоа янги раҳбариятга эга бўлиб бироз ижобий томонга ўзгарди, холос.
 
Бир-иккита ўйинларда "Қизилқум" очиқчасига ҳакам томонидан синдириларди. Шунда "Пахтакор"да ўрганганларим иш берар, видеотасмаларни бир деганда назоратчига қўйиб берардим. Кечирим сўраганлари қанча бўлди. Яқинда бир киши бизни судга беришни истаб қолди. Ўша йилларни эсладим. "Қизилқум"нинг бир ўйинида ҳакам жуда қўпол хатоларга йўл қўйганди. Назоратчига келтириб бердим. Ҳакам ва назоратчи ПФЛга шикоят қилмасликни сўради. Ҳакамни-ку, тушунаман нега бундай деганини, паст балл олгиси келмайди. Назоратчидан сўрадим, нега? Жавоб эса шундай бўлди: Ҳозир мен унга паст балл қўйсам, бу ҳакамни "окаси" менинг шогирдимга кейин паст балл қўяди.

Ҳайдаров росмана ишларди, куни кеча тур қаҳрамонига айланиб кетган Азамат Бобожоновга аслида қандай ўйнаш кераклигини ўргатган мутахассис ҳам Ҳайдаров эди. Мураббий йил давомида қийналиб таркиб тузади, футболчиларга ваъда беради. Аммо биргина ҳуштак билан меҳнатининг расвосини чиқаришади. Бу адолатдан эмас. Ҳайдаровнинг кейинги муваффақиятли одими "Динамо"да бўлди. У кетгунига қадар жамоа ёмон ўйин кўрсатмади, шаклланди. У кетганидан кейин "Қизилқум" ҳам, "Динамо" ҳам орқага кетди. Бизда ўзи шунақа, биронта мураббийга 3 йиллик имконият берилмайди.

Исмоиловга тегишли мақолани узоқдан олиб келганим учун узр сўрайман. Энди Мурод Исмоилов мавзусига қайтсам. У ҳам "Пахтакор"дан кетди. Тошкентда эришган натижалари ёмон бўлмади, чемпионлик, кубок ғолиблиги, майли барча ишларни Бабаян қилди дейлик, лекин Исмоилов ҳам бор эди. Футбол шундай ўйинки, у ерда биргина киши иш қилмайди, бир неча нафар кишининг меҳнати керак.

Бугун Исмоилов босим туфайли ишдан бўшашга қарор қиляпти. Сайтда ва трибуналарда унга нисбатан турли гап-сўзлар кўпайди. Энди ҳаммага бир савол: қайси мураббий "Нефтчи"ни ҳозир қабул қилиб кейинги йил учинчи ўринни қўлга киритишида ёрдам бера олади? Ҳаммангиз Фёдоров дейишингиз мумкин. Андрей Фёдоров кучли мутахассис ва у ҳозир "Нефтчи"да, аксар мураббийлар каби у ғараз ният билан, яъни мансаб учун Фарғонага қайтгани йўқ. "Рубин"да ишлаб топганлари анчага етади. У бугун ҳам "Нефтчи" билан ва мураббий бўлса, фақатгина қоғоздаги ФИО ўзгариши мумкин холос. Лекин иш ўша-ўша бўлаверади, ҳозир ҳам аслида шу. Четдан таклиф этиш керак деганларга, футбол ичида юриб сизга шуни айтишим мумкин, пул бор жойга бугунги мураббийлар иш учун эмас, тезроқ пул ишлаш учун боради. "Нефтчи"да пул жуда яхши ҳолатда. Ким келса ҳам бир-икки сўм ишлаб олай дейди.

Четдан мураббий олиб келиш мумкин, лекин четдан мураббий келмайди. Келса ҳам икки ой ишламасдан кетиб қолади. Уларга кейинги турда сен ютқазишинг керак, кейинги тур бунча тўп фарқи билан ютишинг керак деган гаплар ёқмайди. Ўзини ҳурмат қиладиган киши бундай иш қилмайди. Агар шу ишни қилса, унақа мураббийнинг нима кераги бор? Кўряпсизми, ҳаммаси биз ўйлаганчалик осон эмас.
"Нефтчи"да Мирзабоев ишлади. Қанча-қанча мағзавалар ағдарилди. Кейин Кападзе келди. Унинг орқасидан қанча-қанча ёзув-чизувлар бошланди. Ахир мақсадимиз нима ўзи? "Нефтчи"нинг мавқейини тиклашми, ёки юмалоқ хатлар билан бирин-кетин ишлаётганларни оромини бузишми? "Нефтчи"да структура бузилиб кетган. Ҳаммаси эскича. Мана секин-секин ҳаммаси ўзига келиши мумкин бўлган пайтда яна иккинчи томон ўртага тушиб, муҳитга путур етказиши яна бир йилнинг беҳуда кетишига олиб келади.

"Нефтчи"да ўйин йўқ деб айта олмайман. "Бунёдкор" ва "Пахтакор"га қарши жуда яхши ўйнади. Фақат ҳимояга ётиб олгани йўқ. Ҳужум ҳам қилди. Керак бўлса гол ҳам урди, ўйин эса эркакча бўлди. Футболимизда мана шундай ўйинлар йўқолиб боряпти. Мана шу мураббийнинг иши дейилади. Клубда уриш чиқавериши, икки кишини ўртасига тушиб, мураббийни футболчига, футболчини мураббийга тескари қилиб, бутун бошли шаҳар шаънини ҳимоя қилаётган клубни бузаётганларни эса ғийбатчи дейдилар. "Нефтчи"даги муаммо мураббий ёки футболчида эмас, мана шундай ғийбатчиларда.
Структурани яратиш - бу машаққатли иш. Ҳеч нимани бир кунда бунёд этиб бўлмайди. Фарғоналик мухлислар бургага аччиқ қилишяпти. Аксинча, сиз ғурурланинг, баъзи жамоаларга ўхшаб уйда ғалаба қозониб сафарда атайин мағлубиятга учрамаяпсиз. Меҳнат қилиб росмана мағлубиятга учраш билан шахмат доскасида тўп тепишнинг фарқи бор. Буни футбол ичида юрганлар жуда яхши билади. Баъзи жамоа футболчилари ғалаба сунъийлигидан қувонмай қўйишган ҳаттоки.

"Пахтакор"  вилоятдаги ўйинларга самолётда боради. Бир эмас, икки мутахассис рақиб ўйинини кузатгани кетади. Академия ишлаб турибди. Асосий таркиб оригинал формаларни кияди. Профессионал тарзда хориж йиғинини ўтказади. Ҳар машғулотида витаминлар берилади, ўйин олди ва ўйиндан кейин махсус сок тарқатилади. Бунақаси фақат "Локомотив"да бор яна. Ва энг муҳими ҳеч ким  бировнинг орқасидан ғийбат қилмайди. Мураббий, футболчилар ахил ва иноқ. Мана нима учун Исмоилов бу ерда натижага эришди. Яна унинг олдида жамоа футболчиларини жисмоний ҳолатига жавоб берадиган алоҳида, бўлиб ҳам малакали мутахассис Андрей Шипилов бор. Дарвозабонлар мураббийи Ўзбекистонда энг зўри. Ўзининг аниқ ўйнайдиган майдони бор. Базадаги майса асосийсидан фарқ қилмайди. Мана нима учун Исмоилов "Пахтакор"да натижага эришди.

"Нефтчи" бугун ишнинг тўғри йўлга қўйилиши бўйича "Пахтакор", "Бунёдкор", "Локомотив", "Насаф", "Машъал", "Олмалиқ"дан устунми? Бу клублар 5-10 йиллик меҳнат эвазига шу ҳолга келишди. Улардан структура жиҳатдан устун эмас экан, қандай қилиб натижа борасида устунликка эришиши мумкин? Сиз қўлга киритилаётган 9 ёки 10-ўринлардан хафа бўлманг. Бу - олий лига, унда тўртинчи ўринни олдинг нима-ю, 12-чи бўлдинг нима. Мана ўринбосарлар аввалги мавқейини қайтариб олишни бошлади. Бунга эътибор бермайсиз-а? Аслида ўринбосарлар таркиби ҳам асосий таркиб мураббийлари томонидан шакллантирилади. Нима учун олий лигага мураббийлар яхши жамоани шакллантира олишмади дейишингиз мумкин. Нима "Локомотив" Тожиевни қўйиб юборармиди ёки "Пахтакор" Козакни? "Насаф"дан Геворкянни олиб бўладими? Ўзи олий лигада пичоққа илинадиган футболчилар саноқли бўлса, уларни ҳам "Нефтчи"га йиғиш осон эмас. Бунинг учун энди бироз сабр қилинг, ўринбосарлардан янги Саидов-у, Холматов чиқишини кутинг. Битта мураббий бошлаган ишни чала қолдириш ва янги мураббий яна "0"дан иш бошлаши, бу яна бир бор қайтараман келаётган бир йилни йўқотиш. Ёки жамоа олдида яна битта йўл бор. У ҳам бўлса 3га3 ўйинларни йўлга қўйиш. Уйда фақат ғалаба қозонасиз, сафарда ютқазаверасиз? Шунақа футбол керакми сизга?


Нодирхўжа Юлдашев
Рейтинг:    

Фикрлар

championat.asia
Яндекс.Метрика