49 ёшли Миура «Йокогама» билан шартномани узайтирди
11 янв 2017 22:31
Новости

49 ёшли Миура «Йокогама» билан шартномани узайтирди

Япониялик ярим ҳимоячи Казуйоши Миура «Йокогама» сафида ўйнашни давом эттиради.

49 ёшли футболчи яна бир йил давомида Япония иккинчи дивизионида ўйнайдиган бўлди. Шу тариқа, Миура профессионал футболдаги ўзининг 32-мавсумини ўтказади. 26 февралда у 50 ёшга тўлади. Футболчи 1986 йилда Бразилиянинг «Сантос» клубида бошлаганди.

Миура Италия А сериясида ўйнаган биринчи япониялик футболчи бўлганди. 1994 йилда у «Женоа»да ўйнаган.

«Йокогама» сафида Миура 2005 йилдан буён ўйнамоқда. Футболчи Япония терма жамоаси сафида 89та ўйинда 55та гол урган.