Vitaliy Levchenko: "Ikkinchi bo'limda nazorat qo'limizda bo'lishiga qaramay vaziyatlardan foydalanmadik"

"Birinchi bo'limda qaysidir jabhalarda kuchsiz ko'rindik. "Metallurg" jamoasiga erkinlik berib qo'ydik. Ikkinchi bo'limda tarkibda o'zgarishlar amalga oshirdik, kreativroq futbolchilar maydonga tushishdi. O'yin nazoratimizga o'tdi. Ammo vaziyatlarni golga aylantira olganimiz yo'q

Qoniqish degan narsa yo'q. O'yinimizda hal qilishimiz kerak bo'lgan muammolar bor. Nima etishmadi? Gol va vaziyatlardan foydalana olmaslik. Ayrim pallalarda raqib posboni ham yaxshi harakat qildi",- deydi Vitaliy Levchenko. 

- Tojikistonlik legionerlarni maydonga tushishi kutilgandi... 

- Ularda ayrim muammolar bor. Tiklanish jarayonini o'tkazishmoqda. Umid qilamanki, tez kunlarda safimizga qaytishadi. 

- SHohruz Norxonovchi?

- Unda ham oyoq mushaklari bilan bog'liq kichik muammosi mavjud. Tiklanib olishi uchun biroz fursat zarur.