Seid Seidov: "Men zamonaviy futbol tarafdoriman"

"O'yin har ikkala jamoa uchun og'ir kechdi.Bugungi raqibimiz ham yomon jamoa emas.Biz raqiblarning ko'plab uchrashuvlari yozilgan disklarni tahlil qilib shu xulosaga kelgan edik. Men bugungi uchrashuvning faqatgina natijasidan qoniqdim, o'yin esa qoniqtirmadi.

Bugun mening ham xatom bo'ldi, buni tan olaman. Asosiy tarkib tanlashda men xatolikka yo'l qo'ydim. Men tajribali futbolchilarga tayangan holda tarkib tuzdim, ammo yakunda zahiradan tushgan yangi qon,yoshlar o'yinda burilish yasay olishdi" - deb gap boshladi Seidov.
 
-Hammaga malum-ki,har bir murabbiyning o'ziga yarasha o'yin uslubi bo'ladi. Sizning o'yin uslubingiz qanday? Gessdan so'ng jamoa o'yinida qanday o'zgarish kutsak bo'ladi?
 
- Men zamonaviy futbol tarafdoriman. Zamonaviy futbolda esa asosan qanotlar ishlaydi. Mana bugun biz markazni deyarli yorib o'ta olmadik va ikkinchi golimiz qanotdan rivojlana boshladi. SHuni takidlashim mumkinki bugungi uchrashuv bizning zaif nuqtamizni ko'rsatdi, futbolchilarimizning jismoniy holati maqtanarli darajada emas. Agar jismoniy tayyorgarolik yaxshi bo'lganida,biz bugun markazni osonlikcha yorib o'tar edik.