Sardor Rashidov Qatar "Super Ligasiga" yo'l oladi!
20 iyu 2015 16:46
Yangiliklar

Sardor Rashidov Qatar "Super Ligasiga" yo'l oladi!

Qaynoqqina xabarlarga ko'ra, "Bunyodkor" va O'zbekiston milliy terma jamoasining yarim himoyachisi Sardor Rashidov keyingi faoliyatini Qatarda davom ettiradi.

Qatar chempionatida uchinchi o'rinni qo'lga kiritgan "Al Jayish" futbolchimizning yangi jamoasi bo'ladi. Klub Sardor bilan uch yillik bitimga imzo chekkan.

Hozircha, bu o'tish haqida hech qanday rasmiy gap so'z yo'q. Ammo transfer masalalari hal etib bo'lingan.

"Al Jayish" OCHL-2016ni pley off bosqichidan boshlaydi. Xuddi shunday Xavi va "Al Sadd" ham uchrashuvlarga saralash o'yinlaridan qo'shiladi. Qatar chempionligini qo'lga kiritgan "Lahviya"gina to'g'ridan-to'g'ri guruh bosqichida ishtirok etadi.

Qatarda yangi mavsum avgust oyidan start oladi. Demakki, Rashidov birinchi davra yakuniga etganidan so'ng "qaldirg'ochlar" bilan xayrlashadi.

O'z navbatida saytimiz o'quvchilari va o'zbekistonlik ishqibozlar nomidan Sardor Rashidovning keyingi faoliyatiga omad tilaymiz!

Havola :

Manba : championat.asia

Yangiliklarni Telegramda o'qing!

Reyting: