Eshitdik-da! Qosimovga serbiyalik murabbiy yordam berishi mumkin

Bu mutaxassis shu kunlarda Braziliyada bo'lib turibdi. Taxminimizcha, bu o'z vaqtida 5 ta terma jamoani Jahon chempionati final bosqichiga olib chiqqan Bora Milutinovich bo'lishi mumkin. Takror aytamiz, bu faqat taxmin, ammo serbiyalik ekani aniq.

Hozircha nomi oshkor qilinayotgan qilinmayotgan bu mutaxassis O'zbekiston milliy terma jamoasida Mirjalol Qosimovga yordam berishga tayyorligini ham malum qilgan.

Xabaringiz bor, shu kunlarda O'FF Terma jamoalar markazi rahbari Asqar Tolibjonov va bosh murabbiy Mirjalol Qosimov Braziliyada bo'lib turishibdi hamda bugun va ertaga o'tkaziladigan o'yinlarni bevosita stadionda tomosha qilishadi. Serbiyalik murabbiy bilan muzokaralar aynan Braziliyada o'tkazilgani aytilmoqda.  

Kamoliddin ALIMOV