Latest news

16:41"Манчестер Сити" - "Челси". Жамоалар асосий таркибларни эълон қилишди18 16:26Бугун катта футбол. "Барселона" - "Реал"19 16:15"Гранада" - "Севилья". Асосий таркиблар маълум1 15:52"Реал"га қарши баҳс учун "Барселона" қайдномаси эълон қилинди17 15:5018 игроков, включая Иньесту, в заявке «Барселоны» на матч с «Реалом»0 15:31ЦСКА - "Урал". Асосий таркиблар эълон қилинди0 15:27EPL Manager: игроки, которые пропустят 14-й тур0 15:20Диёр Имомхўжаевдан: Мантиқсиз ўйин27 15:15“Локомотив”дан мавсум сарҳисоби: “Темирйўлчилар”га олий лигада 2 мартагина қизил карточка кўрсатилди2 14:56Бельерин: "Венгер туфайли "Арсенал" билан янги шартнома туздим"1 14:45"Арсенал"га Димитри Пайе керак2 14:45"Арсенал" претендует на Димитри Пайе0 14:45Моуриньо офшорлар орқали 12 млн. евро фойда қилган3 14:45AFP: Моуринью вывел через офшоры 12 млн евро, чтобы не платить налоги0 14:35«Атлетико» «Лион» вакили Геззалга қизиқиб қолди1

05 jun 16:08
News

ЖЧга 7 кун қолди. Италия-1990

1990 йил Италияда бўлиб ўтган жаҳон чемпионати кўпроқ салбий ҳолатлар билан ёдда қолган.
Жамоалар ўта прагматик футбол намойиш қилишган, голлар кўп бўлмаган, учрашувларда шиддат юқори бўлмаган.

Бразилия ва Аргентина ҳам аввалгичалик чиройли ўйин кўрсатмаган. Якунда Германия терма жамоаси 4 йил олдин финалдаги мағлубият учун Аргентинадан қасос олган.

ФИФА навбатдаги мундиални ўтказиш учун Италия номзодини танлаган. Баҳслар 12 шаҳардаги стадионларда ўтказилган. Мексика терма жамоаси саралаш босқичига ҳам қўйилмаган. Бунга ёшлар терма жамоаси сафида ёши кичрайтирилган ўйинчиларнинг майдонга тушгани сабаб бўлган. ФИФА эса барча терма жамоаларни жазолаб қўя қолган. Тушунарсиз қарор.



Чилини эса Бразилиядаги беллашувдан кейин четлаштиришган. Ўшанда меҳмонлар посбони Роберто Рохасга петарда отилгани боис у жароҳат олган. Кейинчалик ФИФА тафтиш ўтказиб, дарвозабон юзига атайин ўзи шикаст етказгани, петарданинг бунга таъсири бўлмаганини таъкидлаб, Чилини саралаш босқичидан четлаштирган! Аслида барчасига айбдор Бразилия эди. Хуллас, ФИФАнинг яна бир ахмоқона ва Бразилия фойдасига чиқарган қарори.

Чемпионатда Валерий Непомняший бошчилигидаги Камерун терма жамоаси сенсация яратган. Дастлабки беллашувда Аргентина 1:0 ҳисобида доғда қолдирилган. Марадона, Каниджа ва Бурручага африкаликлар олдида ҳеч нарсани уддалай олмаган. СССРнинг гуруҳда қолиб кетганини ҳисобга олмаганда бошқа кутилмаган натижалар кузатилмади.



1/8 ФИНАЛ
Нимчорак финалда бир қатор қизиқарли ўйинлар бўлиб ўтган. Камерун қўшимча бўлимларда Игитанинг авсонавий хатоси ва Роже Милланинг голи эвазига илк бор чорак финал йўлланмасини қўлга киритган. Бразилия ва Аргентина тўқнашувини Марадонанинг аниқ паси ҳамда Каниджанинг голи ҳал қилди. Германия – Голландия учрашувида Райкаарднинг Феллернинг юзига тупургани энг ёдда қоларли ҳолатга айланган. Нимчорак финалда сенсациялар юзага келмаган.

Камерун – Колумбия - 2:1 (қўшимча вақт)
Чехословакия – Коста-Рика – 4:1
Бразилия – Аргентина – 0:1
ГФР - Голландия – 2:1
Ирландия – Руминия – 0:0 (пенальтилардан - 5:4)
Италия – Уругвай – 2:0
Испания – Югославия 1:2
Англия – Бельгия – 1:0 (қўшимча вақт)



1/4 ФИНАЛ
Чорак финалда ўйинлар тенг курашлар остида кечган. Аргентина Югославияни дарвозабон Гойкоэчеанинг маҳорати эвазига мағлубиятга учратган. Италия Ирландиянинг Скилаччининг, Германия эса Чехословакияни Маттеуснинг голи ҳисобига енгган. Англия Камерунни қўшимча бўлимларда мағлуб этишни уддалаган. Ғалаба тўпи Линекер томонидан киритилган.



Югославия - Аргентина – 0:0 (пенальтилардан - 2:3)
Италия – Ирландия – 1:0
ГФР – Чехословакия – 1:0
Англия – Камерун – 3:2 (қўшимча вақт)

1/2 ФИНАЛ
Ярим финалларда ҳам пенальтилар серияси ғолиб номини аниқлаб берган. Италия Аргентина билан Неаполда майдонга тушган. Бу стадион Диего Марадона учун қадрдон саналарди. Ўйин мобайнида унинг тўпга ҳар бир тегиниши норозилик билан кутиб олинган. Скилаччи ва Каниджанинг голлари туфайли 1:1 ҳисоби қайд этилган. Пенальтилар сериясида Гойкоэчеа яна маҳорат кўрсатган. Мусобақа мезбонлари шу тариқа финалдан четда қолган.
Германия эса Англияни пенальтилардан 4:3 ҳисобида мағлубиятга учратган. Айнан ўша беллашувдан кейин Линекер “Футбол шундай ўйинки, уни 22 киши ўйнайди ва немислар ғалаба қозонади” иборасини ишлатган.

Италия - Аргентина –1:1(пенальтилардан - 3:4)
ГФР – Англия – 1:1 (пенальтилардан - 4:3)



3-ўрин учун ўйин
Учинчи ўрин учун кечган беллашувда аламзада Италия Англияни 2:1 ҳисобида енгади. Бироқ бу ғалаба ҳам мезбонларга ҳеч қандай қувонч бағишламайди.
Италия – Англия - 2:1

ФИНАЛ
Финалда жамоалар эҳтиёткорликка катта эътибор қаратишган. Ўйин ўта қўпол тарзда кечган. Айниқса, аргентиналиклар Германия футболчиларини жуда қўпол ҳаракатлар билан кутиб олишган. 83-дақиқада Фёллёр ва Десотти ўртасида жарима майдонида юз берган тўқнашувдан кейин ҳакам немислар фойдасига пенальти белгилашга қарор қилади. Бунга аргентиналиклар жиддий қаршилик кўратишади. 11 метрлик жаримадан Брема унумли фойдаланади. Ҳисоб бошқа ўзгармайди ва Германия учинчи бор жаҳон чемпионига айланади! 4 йил аввалги қасос Италияда олинади. Марадона эса майдонни кўз ёшлари билан тарк этади.

Оман Бийик, Гаскойн, Линекер, Скилаччи, Маттеус сингари футболчилар чемпионат қаҳрамонларига айланишди. Франц Беккенбауэр эса футболчи ва мураббий сифатида жаҳон чемпионатини ютган шахсга айланди.



ГФР - Аргентина - 1:0
Гол: Бреме, 85, пен
ГФР: Иллгнер, Бреме, Колер, Аугенталер, Бухвальд, Литтбарски, Хесслер, Феллер, Маттеус, Бертольд (Ройтер, 73), Клинсманн
Аргентина: Гойкочеа, Басуальдо, Бурручага (Кальдерон, 53), Дезотти, Марадона, Лоренцо, Сенсини, Серрисуела, Руджери (Монсон, 45), Симон, Трольо
Четлатиш: Монсон, 65, Дезотти, 87
Тўпурар: Сальваторе Скиллачи (Италия) – 6 гол.


Беҳзод Назаров тайёрлади.
Rating:    

Comments

< show latest news
������.�������

Press "Like"
to read CA at facebook