08 jun 15:52
News

ЖЧ-2014 стадионлари. “Бейра-Рио” (Порту-Алегри)

2014 йилги Жаҳон чемпионатини қабул қилувчи стадионлар билан таништиришни давом эттирамиз.
Бунга қадар 8та стадион ҳақида маълумот бергандик.

Арена де Коринтианс” (Сан Паулу)
Арена дас Дунас” (Натал)
Эстадио Кастелан” (Форталеза)
"Арена Амазония" (Манаус)
"Бразилия миллий стадиони" (Бразилиа)
"Арена Пернамбуку" (Ресифи)
"Фонте Нова" (Салвадор)
"Арена Пантанал" (Куяба)

Бугун Порту-Алегри шаҳридаги “Бейра-Рио” стадиони ҳақидаги маълумотлар билан танишинг.



"Бейра-Рио" стадиони 1969 йилда қурилган, Жаҳон чемпионати олдидан капитал реконструкциядан чиқди. Қачондир "Интернасьонал" стадионига 100 000 дан кўпроқ одам сиғарди. Ташриф борасидаги рекорд 1972 йилнинг 17 июнида қайд этилган. Ўшанда Гаучо терма жамоаси (Риу-Гранди-ду-Сул штати термаси) Бразилия терма жамоасига қарши ўйнайганди. Баҳс 3:3 ҳисобида тугаганди.

Бразилия терма жамоаси бу ерда 10 марта майдонга тушган. Улардан фақат иккитаси расмий ўйин бўлган. Яна икки баҳс Гаучо терма жамоасига қарши бўлганди.



Стадион реконструкциядан олдин ҳам, ҳозир ҳам фақат футбол учун хизмат қилмайди. Бу ерда Порту-Алегрининг маданий тадбирлари ҳам ўтказиб турилади.  Масалан, 2010 йил стадионда Пол Маккартнининг концерти бўлиб ўтганди. Унга 50 минг мухлис келганди.

Бу стадионда ЖЧ-2014нинг жами бешта, тўртта гуруҳ ўйини ва 1/8 финалидан ўрин олган битта учрашув бўлиб ўтади.



Тўлиқ номи: "Estádio José Pinheiro Borda"
Стадион очилган: 1969 йил 6 апрель
Реконструкция қилинган: 2013 йил
Стадион эгаси: "Sport Club Internacional"
Стадион сиғими: 51,300
Майдон узунлиги: 105х68
Стадион расмий сайти: internacional.com.br



Қизилқарли фактлар
Яқинда Порту-Алегри шаҳрида "Гремио" клубига тегишли бошқа стадион ҳам қурилди. Кўпчилик ўша стадионни яхшироқ деб ҳисоблашмоқда. ФИФА айнан "Бейра-Рио"ни танлаганидан хафа бўлаётганлар анчагина.
 
Стадионнинг расмий номида уни қурилишида бош бўлган Жозе Пинейро Борданинг исми ҳам бор. Афсуски, у стадион очилишига оз қолганида вафот этди.
 


2012 йилнинг 7 декабрь куни стадионда "Интернасьонал" клубининг Либертадорес кубогини қўлга киритганини намойиш этишди. Ушбу намойиш кино тарихига кирди ва Гинесснинг рекордлар китобидан ўрин олди. Сабаби унга қадар битта киносеансни бир вақтда 27 минг одам томоша қилмаганди.
 
"Бейра-Рио"да Либертадореснинг тўртта финали бўлиб ўтган. Уч бор "Интернасьонал" мезбон бўлган, 2005 йилда эса "Атлетико Паранаэнсе" ушбу стадионда ўйнаган.



Бу стадиондаги барча ўйинлар:
15 июнь
Франция - Гондурас

18 июнь
Австралия - Голландия

22 июнь
Жанубий Корея - Жазоир

25 июнь
Нигерия - Аргентина

30 июнь
1/8 финал (G1-H2)




Нарзулла Сайдуллаев тайёрлади.
Rating:    

Comments

< show latest news
������.�������

Press "Like"
to read CA at facebook