UZ

Сўнгги янгиликлар

01:29Абдуқодир Ҳусанов "Лилль" билан ўйинни ўтказиб юборади  0 00:52Италиялик жаҳон чемпиони Қозоғистонга ташриф буюрди  0 00:35Роналдунинг либосини кийган таниқли блогер Мессига алоқадор ресторандан ҳайдаб юборилди  3 00:18Вадим Абрамов: Самарқанд — иккинчи пойтахт. Шундай экан, бу ерда яхши жамоа бўлиши керак"  4 23:37БАА футбол федерацияси ёшини сохталаштирган 18 нафар мисрлик футболчини депортация қилди  1 23:10Веско Стешивич: "Биринчи бўлимда яна битта гол урганимизда, ғалаба бизники бўларди"  0 22:40Мексикадаги матбуот анжуманида бутун жамоа иштирок этиб, мухлислардан узр сўради  0 22:23Клублар миқёсида халқаро турнирларда энг кўп “қуруқ” ўйин ўтказган дарвозабонлар маълум бўлди  0 22:06Роналду Саудия Арабистони чемпионатидаги энг омадсиз ҳужумчи бўлиб турибди  26 21:49Уругвай термаси техник ҳамкорсиз қолди, жамоа брендсиз либосларда ўйнамоқда  2 21:26Суперлига. "Динамо" — "Металлург" 2:1. Highlights  0 21:07"Бухоро" ва "Хоразм" ўртасидаги марказий учрашувдан ГАЛЕРЕЯ  2 20:57Футзал. Ўзбекистон иккинчи ўйинда Қирғиз Республикасини мағлуб этди  0 20:56Суперлига. "Динамо" "Металлург" устидан мавсумдаги илк ғалабасини қўлга киритди  24 20:32Дунёнинг етакчи лигалари ФИФАни судга бермоқчи  4

ЖЧ-2014. Мундиал иштирокчилари - Чили Янгиликлар

ЖЧ-2014. Мундиал иштирокчилари - Чили

Жаҳон чемпионати "В" гуруҳининг яна бир иштирокчиси Чили терма жамоаси ҳақида тўхталиб ўтамиз.

Чили терма жамоаси 1910 йилда ташкил этилган. Бу жамоа ўзининг бой тарихига эга. Чили таркибида Иван Заморано, Марсело Салас каби ўтмишнинг ёрқин чарт тўп усталари ҳаракат қилишган. Бу жамоа азал-азалдан кучли жамоа сифатида эътироф этиб келинади.



Чили терма жамоаси шу пайтгача саккиз маротаба Жаҳон чемпионатларида иштирок этишган. Яна икки марта чемпионатдан четлатилган. 1990 йилги мундиалда Чили жамоаси дисквалификация туфайли қатнаша олмаган. 1934 ва 1938 йиллари эса Чили жамоаси ўзлари жаҳон чемпионатида ўйнашдан бош тортишган.  Шунингдек 1994 йилги мусобақада ҳам Чили чемпионатда ўйнаш ҳуқуқидан маҳрум қилинган. 


Чили терма жамоаси узлуксиз мундиалда қатнашиб кела олмаган. Чилиликлар учун энг омадли мундиал бу сўзсиз 1962 йилдаги чемпионат ҳисобланади. Айнан ўша йили бу ўлка вакиллари ўзларининг тарихий натижаларига эришишган. Чили жамоаси ўша мундиалда ярим финалгача дадил қадам ташлаган ва финал остонасида ўз омадини қочириб юборган. Якунда эса Жаҳон чемпионатининг бронза медаллари билан тақдирланишган. Бу ҳозирча уларнинг энг юксак кўрсаткичлари ҳисобланади.


Чили мухлислари ҳар доим янгича қиёфалар билан ўз терма жамоаларини қўллаб-қувватлашга ҳаракат қилишади


Айни пайтда Чили терма жамоасини аргентиналик мураббий Хорхе Сампаоли яхши шакллантирмоқда. Хорхе Сампаоли жамоа ўйинини Алексис Санчес ҳамда Артуро Видаль олдида ташкил этмоқда. Бу футболчилар нафақат Чилининг, балки ўз клубларининг ҳам етакчи ижрочиларидан ҳисобланишади.  Артуро Видаль айни пайтда ўз жароҳатини даволаш билан банд. Мундиалгача у сафга қайтиши кутилмоқда. Артуро Видалнинг терма жамоада тутадиган ўрни жуда муҳим саналади. Чили ушбу мундиалда катта натижаларни қайд этиши мумкин бўлган жамоалар сафида тилга олинмаяпти. Лекин улардан ҳар нарсани кутиш мумкин. Чилида ҳақиқий жамоа шаклланмоқда. Уларнинг асосий ютуқлари бу бирдамлик саналади. Тўғри, улар ўрин олган гуруҳда Испания ва Голландия терма жамоалари бор.

Бу жамоалар билан кураш олиб бориш Чилига етарлича ташвиш туғдириши аниқ. Учинчи жамоа Австралия билан бўладиган баҳс эса учинчи ўрин учун ўйин бўлишини кўпчилик тахмин қилмоқда. Лекин амалда нималар бўлишини эса вақт кўрсатади. Мундиал бу футбол байрами. Байрамни эса барча ўзи истаганидек ўтказишни хоҳлайди. Кимнинг режалари амалга ошиши-ю, кимларники ўхшамаслигини Бразилия бўлиб ўтадиган мундиал давомида билиб оламиз. Ҳозирча шуниси аниқки, Чили терма жамоаси ҳам мундиалга ўз қарашлари ва режалари асосида келмоқда. Уларниннг илк ва асосий иши бу Голландия ёки Испания каби терма жамоалар учун ҳақиқий бош оғриқи бўлиш эканлиги ҳеч кимга сир эмас.


 

Чили терма жамоаси ҳақида:

Ташкил топган йил: 1910

Минтақаси: Америка

Бош мураббий: Хорхе Сампаоли (Аргентина)

Энг кўп ўйнаган футболчи: Леонель Санчес (84 ўйин)

Энг яхши тўпурар: Марсело Салас (37 гол)

Илк ўйини: Аргентина - Чили 3:1 (1910 йил)

Энг йирик ғалабаси: Чили - Венесуела 7:0 (1979 йил), Чили - Арманистон 7:0 (1997 йил)

Энг йирик мағлубияти: Бразилия - Чили 7:0 (1959 йил)

ФИФА рейтингидаги ўрни: 15

Эришган ютуқлари: Жаҳон чемпионати бронза медали соҳиби (1962)
Америка кубоги кумуш медали соҳиби: 4 марта (1955, 1956, 1979, 1987)

Артуро Видалдан Чили мухлисларининг умидлари катта


 

Чили терма жамоасининг кенгайтирилган таркиби:


Дарвозабонлар: Клаудио Браво («Реал Сосьедад», Испания), Жонни Эррера («Универсидад де Чили»), Кристофер Тоселли («Универсидад Католика»).

Ҳимоячилар: Гонсало Хара («Ноттингем Форест», Англия), Маркос Гонсалес («Унион Эспаньола»), Хосе Рохас («Универсидад де Чили»), Эугенио Мена («Сантос», Бразилия), Марсело Диаз («Базель», Швейцария).

Ярим ҳимоячилар: Гари Медель («Кардифф», Уэльс), Маурисио Исла, Артуро Видаль (оба - «Ювентус», Италия), Хорхе Вальдивиа («Палмейрас», Бразилия), Фелипе Гутьеррес («Твенте», Голландия), Родриго Мильяр («Атлас»), Хосе Фуензалида («Коло Коло»),  Франсиско Сильва («Осасуна», Испания), Чарльз Аранхуис («Интернасьонал», Бразилия), Карлос Кармона («Аталанта», Италия»), Миико Альборноз («Мальме», Швеция).

Ҳужумчилар: Алексис Санчес («Барселона», Испания), Эдуардо Варгас («Валенсия», Испания), Жан Босежур («Уиган», Англия), Маурисио Пинилья («Кальяри», Италия), Фабиан Орелльяна («Сельта», Испания).



Якуний рўйхатга 23 нафар футболчи киритилади.


Шаҳбоз Беғамов

Рейтинг:    

Фикрлар

championat.asia
Яндекс.Метрика