04 oct 10:07
News

Узр, бу сафар ҳам ўртоқлик учрашуви йўқ

Ўртоқлик учрашувини ўтказмаслик оқибатида битта дарвозабонни текшира олмадик ва Иордания билан бўлиб ўтган ўйинда мағлубиятга учраб шарманда бўлдик.
Афсуски, олган маълумотларимизга кўра, Вьетнамга қарши бўлиб ўтадиган ўйин олдидан ҳам ҳеч қандай ўртоқлик учрашуви ўтказилмайди. Вьетнамга қарши баҳс 15 октябрь куни бўлиб ўтади. Олий лига эса 5 октябрдан танаффусга чиқади. МТЖ ўртоқлик учрашуви ўтказмаганидан кейин 2 ҳафталик танаффусдан нима фойда. Аксинча 15 октябргача футболчиларимиз ўйиндан чиқиб қоладилар.
 
Қизиғи шунда-ки, Вьетнам Тошкентга тайёр ҳолда келади. Бу терма жамоа 9 октябрь куни Қатар терма жамоасига қарши ўртоқлик учрашуви ўтказади. Шу куни Иордания Қувайт билан, БАА эса Малайзияга қарши майдонга чиқади. Бир кун ўтиб Сингапур ўз имкониятидан келиб чиқиб Лаосни қабул қилади. Баҳрайн эса Таиландга боради. Ҳатто Филиппин Тайван билан ўртоқлик учрашуви ўтказади. Японларнинг рақиби ҳам чакки эмас Сербия. Жанубий Корея ўз майдонида Бразилияни қабул қилса, Австралия Франция меҳмони бўлади, бизда эса оқ чойнакка кўк қопқоқ, кўк чойнакка оқ қопқоқ...

Rating:    

Comments

< show latest news
������.�������

Press "Like"
to read CA at facebook