01 mar 22:22
News

Туркия кундалиги (сўнгги кун)

Бугун “Нефтчи” футболчилари Туркия йиғинидаги сўнгги машғулотларини ўтказишди.
Эрталабки машғулот International Comfort (IC Hoтel) меҳмонхонасига қарашли стадионда бўлиб ўтди. Кечки машғулот эса пляжда ўтказилади.

Эртага тонгда жамоамиз Фарғонага қараб йўлга отланади. Бизни олдинда узоқ парвоз кутиб турибди.

Режага кўра, “Нефтчи” футболчилари 5 март куни Фарғонага йиғилишади. 9 март куни эса назорат учрашуви  утказиш кўзда тутилган.

Жамоадаги янгиликларга келсак, грузиялик ярим ҳимоячи Левани Гавзава билан Фарғонага боргач, шартнома имзоланиши борасида келишиб олинди. Бу футболчи Фарғонадаги йиғинда иштирок этади.

Умуман олганда, Туркияга йиғини футболчилар учун фойдали бўлди, деб аташ мумкин. Улар жисмоний жиҳатда ўсишга эришиш билан бирга тактика борасидаги тажрибаларини янада бойитиб олишди. Мураббийлар штаби ҳам қайси футболчининг қандай ҳолатда эканлигини билиб олишди.

Афсуски, Туркиядаги барча назорат учрашувлари мағлубият билан ниҳоясига етди.
Rating:    

Comments

< show latest news
������.�������

Press "Like"
to read CA at facebook