Тоҳир Шамситдинов "Навбаҳор" йиғинида

Хусусан, бугун “Навбаҳор” йиғинига ўтган мавсумни “Гулистон”да ўтказган ҳимоячи Тоҳир Шамситдинов қўшилди. Асли Наманган футболи тарбияланувчиси саналган ҳимоячи ҳуқуқий жиҳатдан “Пахтакор”га тегишли.

Мавсумлар оралиғидаги вақт давомида ҳам Шамситдинов айнан “шерлар” сафида шуғулланаётганди. 1993 йилнинг 9 февралида туғилган футболчи 2013 йили Туркияда ўтган ёшлар ўртасидаги жаҳон чемпионатида ҳам Ўзбекистон шарафини ҳимоя қилганди. Ёдингизда бўлса, ёшларимиз кичик мундиалнинг чорак финалида Францияга имкониятни бой бериб ортга қайтишганди. Ҳимоячи “Гулистон” таркибида олий лигада 15 та ўйинда иштирок этганлигини қўшимча қилиш жоиз.

Жамоа машғулотларида маълум вақт давомида қатнашган “Бунёдкор” ҳимоячиси Камолиддин Тожибоевга ҳам жавоб берилганлигини қўшимча қилиш жоиз. Шунингдек, жамоа аъзолари - Хуршид Хўжаев, Азим Аҳмедовлар эса айни пайтда уйларида даволанишмоқда. Ушбу жараён якунлангач, улар яна машғулотларда қатнашишни бошлашади.