Latest news

19:16"Барселона" қишда янги футболчи сотиб олмайди2 19:16«Барселона» зимой не приобретёт новых футболистов0 19:09"CA" начинает новый проект - "Год диалога с народом и интересов человека"0 19:03МЮ «Лацио» ҳимоячиси учун 35 миллион евро бермоқчи1 19:03Il Messaggero: «МЮ» готов заплатить «Лацио» 35 млн евро за де Врея0 19:00Одил Аҳмедовнинг совғасини қўлга киритишни истайсизми? 31 18:45Вайденфеллер: "Реал"га қарши баҳсда "Боруссия" ирода кўрсатди"0 18:34"CA"да янги лойиҳа - "Халқ билан мулоқот ва инсон манфаатлари йили"26 18:30Лэмпард, Жеррард ва Терри Англия терма жамоаси мураббийлар штабига кириши мумкин1 18:30Лэмпард, Терри и Джеррард могут войти в тренерский штаб сборной Англии0 18:14Обамейянг "Реал" дарвозасига урган голини бувасига бағишлади9 17:40ЕЧЛ. "Лестер" энг йирик мағлубиятни қабул қилиб олди10 17:35Клублар ўртасидаги ЖЧ. "Кашима Антлерс" - "Окленд Сити" 2:19 17:25«Барселона» «Шапекоэнсе»ни Гампер кубогига таклиф қилди8 17:25«Барселона» пригласила «Шапекоэнсе» на Кубок Гампера-20170

15 oct 21:39
News

the-uff.com: Ўзбекистон Вьетнамни мағлуб этди

Ўзбекистон миллий терма жамоаси Вьетнамга қарши Осиё Кубоги-2015 саралаш учрашувида 3:1 ҳисобида ғалаба қозонди.

15 октябрь, сешанба куни Тошкентдаги «Пахтакор» стадионида Ўзбекистон миллий терма жамоаси Осиё Кубоги-2015 саралаш «Е» гуруҳи 3-тур учрашувлари доирасида Вьетнам терма жамоасини қабул қилди. Бунгача Миржалол Қосимов шогирдлари саралаш баҳсларида Гонгконг терма жамоаси билан 0:0 ҳисобида дуранг ўйнаган, БАА миллий термасига эса 1:2 ҳисобида имкониятни бой берган эди.

Вьетнамга қарши учрашувда бир қатор футболчилар Ўзбекистон миллий терма жамоаси сафида дебют қилди. Дарвозани «Насаф»дан чақирилган Элдор Суюнов қўриқлаган бўлса, ярим ҳимояда илк бор «Насаф» вакили Илҳом Юнусов ҳаракат қилди. Иккинчи бўлимда эса «Бунёдкор» ҳужумчиси Сардор Рашидов Ўзбекистон миллий термаси либосида илк бор майдонга тушди. Айнан Рашидов 69-дақиқада ҳисобни очди.

Орадан кўп ўтмай, ўнг қанотдан ташкил этилган ҳужумни бартараф этиш вақтида Вьетнам миллий терма жамоаси ҳимоячиси Ау Ван Ҳоан ўз дарвозасини ишғол қилиб қўйди. 78-дақиқада эса Вьетнам миллий терма жамоаси ярим ҳимоячиси Нгуен Ҳоанг ҳисобни қисқартиришга муваффақ бўлди. Учрашув якунланишига бир дақиқа қолганида эса «Пахтакор»дан чақирилган Игорь Сергеев Ўзбекистон миллий терма жамоаси сафидаги биринчи голини уриб, ўйин 3:1 ҳисобида якунланишини таъминлади.

Ўзбекистон миллий терма жамоаси Осиё Кубоги-2015 саралаши доирасидаги навбатдаги учрашувларни ноябрь ойида ўтказади. Жумладан, 15 ноябрь куни Вьетнамга қарши тўп сурилса, 19 ноябрь куни Гонгконгга қарши баҳс олиб борилади. Ҳар иккала ўйин сафарда ўтади.

Маълумот ўрнида, 15 октябрь куни Тошкентдаги учрашув билан параллел равишда бўлиб ўтган Гонконг ҳамда БАА терма жамлари ўртасидаги ўйин бўлиб ўтди. Мазкур ўйинда сафарда тўп сурганига қарамай, БАА миллий терма жамоаси йирик – 4:0 ҳисобида ғалаба қозонди ва гуруҳнинг яққол пешқадамига айланди.

Осиё Кубоги-2015 саралаш
«Е» гуруҳи, 3-тур учрашуви
15 октябрь, сешанба
ЎЗБЕКИСТОН – ВЬЕТНАМ 3:1 (0:0)

Голлар: С. Рашидов (69), Ау Ван Ҳоан (73, автогол), И. Сергеев (90+2) – Н. Ҳоан (78).
Огоҳлантиришлар: А. Исмоилов (89) – Ау Ван Ҳоан (31).
ЎЗБЕКИСТОН: Э. Суюнов, Ш. Муллажонов, А. Исмоилов, Ж. Ҳасанов (С. Рашидов, 46), А. Ҳайдаров, С. Жепаров, Б. Насимов (И. Сергеев, 64), А. Гейнрих, С. Турсунов, В. Денисов, И. Юнусов (Ж. Искандеров, 38).
ВЬЕТНАМ: Нгуен Тан Бин, Ау Ван Ҳоан, Нгуен Ван Биен, Чау Ле Вин, Сао Си Суонг (Ту, 67), Дуй (Ле Сонг Вин, 57), Ҳоанг, Ан Дук, Куок Ан, Нҳиен, Луонг (Ле Ван, 47).
Бош ҳакам: Муҳсин Туркий (Эрон).
Тошкент, «Пахтакор». 5675 томошабин.


ОК-2015, САРАЛАШ, «Е» гуруҳидаги вазият

Жамоа

Ў

Ю

Д

М

Т-Н

О

1

БАА

3

3

0

0

8-2

9

2

Ўзбекистон

3

1

1

1

4-3

4

3

Гонконг

3

1

1

1

1-4

4

4

Вьетнам

3

0

0

3

2-6

0

Rating:    

Comments

< show latest news
������.�������

Press "Like"
to read CA at facebook