29 jul 08:34
News

"Шўртан" мураббийлар штабига Баҳром Ҳакимов ёки Рауф Инилеев келиши мумкин

Шу кунларда миллий чемпионатимиз иккинчи давра ўйинларига пухта ҳозирлик кўраётган “Шўртан” жамоасида асосий эътибор таркибни кучайтириш ишларига қаратилган.

Аммо биргина асосий таркибни тажрибали футболчилар билан шакллантириш орқали кўзланган мақсадга эришиб бўлмаслиги барча бирдек аён. Шу боис, мана шу жиҳатларни ҳисобга олган “Оқ бўрилар” клуби раҳбарияти мураббийлар штабини анчайин тажрибали мутахассислар билан кучайтириш масаласини ҳам ўйлаб кўрмоқда.

Бу борада айни пайтда бўш қолган ва ишсиз юрган мамлакатимизнинг бир қатор тажрибали мураббийларидан бирини Ғузорга таклиф этиш кўзда тутилган. Гарчи, иккинчи давра бошланишига оз фурсат қолаётган бўлса-да, клуб раҳбарияти бу борада жиддий ҳаракатни бошлаб юборган. Ва мана шу қисқа вақт ичида “Шўртан” мураббийлар бошқарувига янги мураббий келиш эҳтимоли кўпроқ бўлиб турибди.

Биз ҳозирча номзодлар орасида Баҳром Ҳакимов ва Рауф Инилеевлар борлигини айтиб ўтишимиз мумкин. Биринчи галда айнан ушбу номзодлар тилга олинаётганлиги бежизга эмас. Маълумки, Баҳром Ҳакимов ҳам, Рауф Инилеев ҳам ўз вақтида “Шўртан”да фаолият кўрсатишган эди.

Rating:    

Comments

< show latest news
������.�������

Press "Like"
to read CA at facebook