Шацкихга Ўзбекистондан таклиф бўлса ўйлаб кўради

"ИФ" учун эксклюзив интервью ўтказган Камолиддин Алимов, Шацкихнинг келгуси режалари билан қизиқди.

Мухбирнинг Ўзбекистон жамоаларидан ҳар томонлама манфаатли таклиф бўлса, уни қабул қилармидингиз? деган саволига, "Динамо" Киев тарихидаги энг зўр ҳужумчи шундай жавоб берди:
- Ўйлаб кўриш керак. Лекин ҳозирча бундай таклиф бўлмади.

Сўнгги маротаба 2011 йилнинг 11 ноябрида КХДР терма жамоасига қарши майдонга тушган ҳужумчи, агар имкони бўлса МТЖ сафидаги хайрлашув учрашувида майдонга тушиш истагида эканлигини билдирган.
- Менимча, буни ҳар бир футболчи истаса керак. Табиийки, мен ҳам мухлисларимиз кўз ўнгида ўзимнинг хайрлашув ўйиним ўтказилиши хоҳлайман. Лекин фақат менинг хоҳишим билан иш битмайди.

Интервьюнинг тўлиқ қисмини "ИФ"нинг сешанба сонида мутолаа қилишингиз мумкин.