UZ

20 апр 10:13
Янгиликлар

Сергеев гол урди, фақат Кубокда

Ниҳоят гап-сўзлар ўз таъсирини ўтказиб, “Пахтакор” ҳужумчиси Игорь Сергеев гол урди, лекин ҳозирча Кубок ўйинида.
18 апрель куни “Пахтакор” марказий стадионида бўлиб ўтган биринчи лига вакили “Хоразм” билан кечган баҳсда Сергеев 52-дақиқада Тимур Ҳакимов ўрнига тушиб, 63-дақиқада тўп киритди. Шу тариқа у жорий мавсумдаги голлари ҳисобини очиб олди.

Аммо “Пахтакор”нинг умидли футболчиларидан бири сифатида эътироф этилаётган Сергеев бу йил ҳисобидан олий лигада бирортаям тўп киритгани йўқ. Ваҳоланки, ортда қолган бешта турнинг ҳаммасида майдонга тушди.

1-тур. “Андижон” - “Пахтакор” - 0:1
Сергеев асосий таркибда тушиб 87 дақиқа тўп сурди.

2-тур. “Нефтчи” - “Пахтакор” - 1:2

Сергеев асосий таркибда тушиб 90 дақиқа ҳаракат қилди.

3-тур. “Пахтакор” - “Қизилқум” - 1:0
Сергеев асосий таркибда тушиб 90 дақиқа ўйнади.

4-тур. “Машъал” - “Пахтакор” - 0:1
Сергеев асосий таркибда тушиб 85 дақиқа тўп тепди.

5-тур. “Пахтакор” - “Олмалиқ” - 1:0
Сергеев захирадан тушиб 45 дақиқа тўп тепди.

Эътибор берган бўлсангиз, Игорь Сергеев бешта ўйиндан тўрттасида асосий таркибда тушган ва 80 дақиқадан кўп тўп тепган. Кейин эса Самвел Бабаяннинг ҳужумчи гол ура олмаётганидан жаҳли чиқиб, “Олмалиқ” билан кечган беллашувда уни захирада қолдирган бўлиши мумкин. Катта эҳтимол билан шундай бўлган. Чунки Сергеев “Хоразм” билан кечган ўйинда ҳам захирада қолдирилди ва иккинчи бўлимда майдонга туширилди.

Нима бўлган тақдирда ҳам, у тўп киритишнинг уддасидан чиқди. Лекин мухлислар Сергеевдан аввало олий лигада гол уришини кутишади. Шундай қилсагина ҳужумчи келаси ой бўлиб ўтадиган иккита ўртоқлик учрашуви учун миллий терма жамоамиздан таклиф олиши мумкин. (Эслатиб ўтамиз, Игорь Сергеев МТЖ сафида шу пайтгача 5та ўйинда иштирок этиб, учта гол урган: Вьетнам, Гонконг ва БААга биттадан. Олий лигада эса ўтган йил 20та беллашувда атиги 5та тўп киритган).

Хайрулла Холиқов.
Рейтинг:    

Фикрлар

< сўнгги янгиликларни кўриш

Энг яхшилар

"Барселона" Мадридда ғолиб
Испания чемпионати доирасидаги "Атлетико" –... 147
Европа лигаси 1/8 финалига қуръа ташланди. «Ростов» МЮ ва бошқа жуфтликлар
Бугун УЕФА штаб квартирасида Европа лигаси мусобақасининг 1/8... 59
"Пахтакор"дан 2017 йилги мавсум учун ажойиб совғалар
"Пахтакор" футбол клуби 2017 йилги мавсумда уй ўйинлари... 44
Златан «Манчестер Юнайтед»га Англия лига кубогини олиб берди
Англия лига кубоги финалида «Манчестер Юнайтед» «Саутгемптон»дан... 64
������.�������

Выберите страну:

Mamlakatni tanlang:

Выберите язык новостей:

Yangiliklar tilini tanlang: