UZ

Сўнгги янгиликлар

01:46"Фулхэм" стадион трибунасида очиқ бассейн қурмоқчи  0 01:29Абдуқодир Ҳусанов "Лилль" билан ўйинни ўтказиб юборади  0 00:52Италиялик жаҳон чемпиони Қозоғистонга ташриф буюрди  0 00:35Роналдунинг либосини кийган таниқли блогер Мессига алоқадор ресторандан ҳайдаб юборилди  4 00:18Вадим Абрамов: Самарқанд — иккинчи пойтахт. Шундай экан, бу ерда яхши жамоа бўлиши керак"  4 23:37БАА футбол федерацияси ёшини сохталаштирган 18 нафар мисрлик футболчини депортация қилди  1 23:10Веско Стешивич: "Биринчи бўлимда яна битта гол урганимизда, ғалаба бизники бўларди"  0 22:40Мексикадаги матбуот анжуманида бутун жамоа иштирок этиб, мухлислардан узр сўради  0 22:23Клублар миқёсида халқаро турнирларда энг кўп “қуруқ” ўйин ўтказган дарвозабонлар маълум бўлди  0 22:06Роналду Саудия Арабистони чемпионатидаги энг омадсиз ҳужумчи бўлиб турибди  26 21:49Уругвай термаси техник ҳамкорсиз қолди, жамоа брендсиз либосларда ўйнамоқда  2 21:26Суперлига. "Динамо" — "Металлург" 2:1. Highlights  0 21:07"Бухоро" ва "Хоразм" ўртасидаги марказий учрашувдан ГАЛЕРЕЯ  2 20:57Футзал. Ўзбекистон иккинчи ўйинда Қирғиз Республикасини мағлуб этди  0 20:56Суперлига. "Динамо" "Металлург" устидан мавсумдаги илк ғалабасини қўлга киритди  24

Самандар Шодмонов: “Динамо”га Ҳайдаровнинг таклифига биноан келдим” Янгиликлар

Самандар Шодмонов: “Динамо”га Ҳайдаровнинг таклифига биноан келдим”

Қашқадарёлик футболчи ўзининг чаққон ҳаракатлари билан кўпчиликни эътиборига тушган десак муболаға бўлмайди.

Очиғини айтганда, Шодмоновнинг ўтган йили ишлари унчалик ҳам юришмади. Боиси биринчи даврада “Олмалиқ”да у аввалгидек ўйнаб кета олмади ва мавсумнинг иккинчи қисмида эса “Насаф”га келиб, асосан захира футболчисига айланиб қолди.

Шу боисдан ҳам Самандар клубини ўзгартиришга қарор қилди. Маҳоратли футболчи айни пайтда Самарқанднинг “Динамо” клуби йиғинида иштирок этмоқда.

- Самандар, гарчи “Насаф” билан ўтган йили бронза медалини қўлга киритган бўлсангизда, жамоани тарк этишга қарор қилдингиз. Бу кўпинча захирада ўтириб қолганингиз билан боғлиқми?
- Ҳа, шундай деса ҳам бўлади. Тўғрисини айтганда, ўтган йили етарлича ўйин амалиётига эга бўлмадим. Асосан захира ўйинчиси сифатида гавдаландим. Айни ўйнайдиган ёшда бўла туриб, захирада вақтим келишини кутиб ўтиришдан маъно йўқ деб ҳисобладим. Қолаверса “Насаф” билан амалдаги шартнома ўз кучини йўқотганди. Бундан келиб чиқадики, айни пайтда эркин агентман.

- “Олмалиқ”да ҳам ўз ўйинингизни топиб кета олмаганингизга нима сабаб бўлганди?
- Ўзимга ҳам бу борада кўп савол бериб кўрдим. Нимадир етишмади... Айбни мураббий ёки бошқалардан қидириш нотўғри, бу борада аввало муаммо ечимини ўзимдан қидиришим керак.

- Айни пайтда эса “Динамо” ўқув-йиғин машғулотларида иштирок этмоқдасиз. Сизни бу ерга ким таклиф этди?
- Бош мураббий Равшан Ҳайдаровнинг чорлови билан келганман.

- Жорий мавсумни ушбу жамоада бошлашингиз аниқ бўлдими?
- Йўқ, ҳозирча клуб ҳеч қайси футболчи билан битим имзоламади. Бунга ҳали озгина вақт бор.

- “Машъал” бу йил собиқ футболчиларини ортга қайтармоқда. Сизга ҳам клуб раҳбарияти томонидан Муборак жамоасига яна қайтиш таклифи бўлдими?
- Йўқ. Лекин олдимда “Динамо”да бошқа яна 2-3 та вариантлар бор эди. Самарқандга келишим уйимга яқин ва бу ерда тажрибали мураббий фаолият олиб бораётгани туртки берди.

- Янги жамоага киришиб кетишингиз қандай бўлмоқда?
- Бу борада муаммо бўлгани йўқ. "Динамо"даги футболчилар билан олдиндан танишмиз. Шу боис бемалол айта оламанки, мослашиб бўлдим.

- Равшан Ҳайдаров ва унинг ўтказаётган машғулотлари хусусида нима дейсиз?

- Равшан Акмалович тажрибали мураббий. Ўз вақтида миллий терма жамоа ва "Пахтакор"да ишлаган. Бу ҳам мураббийнинг қандай савиядалигини кўрсатиб турибди. Машғулотларга келадиган бўлсак, ҳозир қишки йиғинлар асосан югуриш билан ўтади. Демоқчиманки, жисмоний тайёргарликка кўпроқ эътибор қаратилади. Лекин тўп билан ҳам ишлаяпмиз. Хуллас ҳозирча ҳаммаси яхши.

Исломбек Рустамбеков суҳбатлашди
Рейтинг:    

Фикрлар

championat.asia
Яндекс.Метрика