UZ

Сўнгги янгиликлар

10:57Пеп Гвардиола «Манчестер Сити»даги келажаги борасида бир қарорга келди  0 10:28«Бавария» Алонсони қўлга кирита олмаганидан сўнг бошқа бир топ мураббий билан шартнома тузмоқчи  1 10:00ЦСКА устози РПЛнинг энг кучли футболчиси кимлигини айтди  2 09:3410 ойга четлатилган Тонали яна узоқ муддатга дисквалификация қилиниши мумкин  1 09:10«РБ Лейпциг» грандлар қизиқаётган футболчига нарх қўйди  1 08:47Златан рамзий термасини тузди ва ўзини қўшмади. Нега қўшмаганини эса Ибра супер тарзда тушунтириб берди  8 08:25Фабрицио Романо Хаби Алонсонинг келажагини очиқлади  4 07:49Про лига. Бугун учинчи тур якунланади  1 07:25Суперлига. Бугун Олмалиқ ва Қаршида ўйинлар бор  3 01:46"Фулхэм" стадион трибунасида очиқ бассейн қурмоқчи  1 01:29Абдуқодир Ҳусанов "Лилль" билан ўйинни ўтказиб юборади  3 00:52Италиялик жаҳон чемпиони Қозоғистонга ташриф буюрди  8 00:35Роналдунинг либосини кийган таниқли блогер Мессига алоқадор ресторандан ҳайдаб юборилди  15 00:18Вадим Абрамов: Самарқанд — иккинчи пойтахт. Шундай экан, бу ерда яхши жамоа бўлиши керак"  18 23:37БАА футбол федерацияси ёшини сохталаштирган 18 нафар мисрлик футболчини депортация қилди  2

Рустам Аъзамов: Совринларни ютишга “Бунёдкор”нинг имконияти кўпроқ Янгиликлар

Рустам Аъзамов: Совринларни ютишга “Бунёдкор”нинг имконияти кўпроқ

“Бунёдкор” таркибида бир қатор янги футболчилар пайдо бўлишди.

Бирин-кетин янги “қалдирғочлар” билан суҳбатлашиб, уларнинг янги жамоадаги илк таассуротларини билишга ҳаракат қиляпмиз. Бу сафарги суҳбатдошимиз Рустам Аъзамов бўлди.

- Рустам, янги жамоага ҳуш келибсиз. “Бунёдкор” таркибига келиб қўшилганингизга бир ҳафтача бўлди. Айтингчи, бу муддат ичида нималарни ҳис қилдингиз?
- Янги муҳитда ўзимни жуда яхши ҳис қиляпман. Чунки жамоада вазият ва футболчиларнинг бир-бирлари билан аҳил-иноқлиги янгиларнинг тез мослашишини осонлаштиради. “Бунёдкор”га мослашишдан кўра, “Локомотив”дан кетиш қийинроқ бўлди, деган бўлардим. Чунки олти йиллик фаолиятим айнан “темирйўлчилар” билан ўтганди. “Бунёдкор”даги ҳамма нарса менга маъқул келди. Энг асосийси мураббий менга катта ишонч билдиряпти.

- Сизни жамоа алмаштиришингизга нима туртки бўлди? “Бунёдкор”га ўтишни узоқ ўйладингизми ёки бу жараён тез амалга ошдими?
- Миржалол Қосимовнинг қўнғироғидан кейин узоқ ўйлаб ўтирганим йўқ ва мураббийнинг менга бўлган ишончи бу ерга етиб келишимни тезлаштирди. Ўйлашимча, “Бунёдкор”нинг келажаги ёрқинроқ. Бу жамоа билан Ўзбекистон чемпиони ва кубоги соҳиби бўлиш имконияти ҳам кўпроқ, деб ўйлайман. Айнан шу жиҳатлар мени “қалдирғочлар” оиласига етаклади.

- Олти мавсум бир жамоада ўйнаган футболчи учун бошқа клубга ўтиш қанчалик оғир?
- Албатта “Локомотив”ни “Бунёдкор”га алмаштириш осон бўлгани йўқ. Чунки мен у ерда ўсдим, улғайдим, футболчи сифатида олий лига ҳавосидан айнан “темирйўлчилар” сафида нафас олдим. Яхши кунлар ҳам бўлди, ёмони ҳам! Ҳатто “Локомотив” биринчи лигага тушиб кетган пайтларида ҳам клуб лагерини тарк этмаганман. Умид қиламанки, жамоа алмаштирганимни собиқ жамоадошларим тўғри тушинишади.

- Футболга энди-энди кириб келган пайтларингизни ёдга олсак. Ўспирин чоғингизда кумирингиз бўлганми?
- Ҳа, бундай одам бўлган. Ўшанда онам тўп тепарди, ҳозир эса улар ажойиб мураббий. Ёшлигимда онамнинг майдондаги ҳатти-ҳаракатларини кузатиб, ўзимга-ўзим савол берардим: агар улар ёрдам берсалар, албатта футболчи бўламан деб. Кумирим ҳам, талпинганим ҳам, ҳатто илк мураббийим ҳам онам бўлган. Уларни олдида доимо таъзимдаман. Шунингдек, италиялик машҳур ҳимоячи Паоло Мальдинининг ҳаракатларига ҳавас билан қарардим.

- Сиз бунгача ҳеч қачон Осиё Чемпионлар лигасида ўйнамагансиз. Бу йил ушбу бахтга “Бунёдкор” билан эришишга яқинсиз. Ушбу турнир орқали футболчи сифатида катта ўсишга эришишингиз мумкин.
- Мавсумолди тайёргарликлар чоғида ўзимни ҳар томонлама кўрсатиб, ушбу турнирга лойиқ эканлигимни исботлашга ҳаракат қиламан.

P.S. Тақдир кучлиларга ёрдам беради!


Дониёл Рўзимов суҳбатлашди.

Рейтинг:    

Фикрлар

championat.asia
Яндекс.Метрика