06 feb 15:33
News

Рауф Инилеев: "Махтаарал"ни қабул қилиб олишимга бир қатор сабаблар бор"

Осиёнинг 2007 йилдаги энг яхши мураббийи деб топилган ҳамюртимиз Рауф Инилеев ўтган ой Қозоғистоннинг "Махтаарал" клубида бош мураббий сифатида иш бошлаганди.
— Рауф Талгатович, Осиёнинг энг яхши мураббийи бўлган мутахассис қандай қилиб Қозоғистон биринчи лигаси клубида пайдо бўлди?
— Биласизми мен фахрийлар ўртасидаги ўйинларда қатнашиб тураман. Тошкентдаги ўйинлардан бирида Махтаарал туманида яшовчи одам ҳам футбол ўйнаганди. У менга туман ҳокими ёрдамида бу ерда футболни ривожлантиришни истаётганини айтди. Мен оғир даврни бошдан кечирдим, турмуш ўртоғим узоқ вақт касал бўлиб 2012 йилда вафот этди. Икки йил ҳеч қаерда ишлаганим йўқ. Ниманидир ўзгартириш вақти келганди. Шу сабаб бу клуб таклифини қабул қилдим. Бундан ташқари Махтаарал Тошкентдан атига 90 километр узоқликда.

— Ўзбекистон миллий терма жамоасида ишлаб кўрган мураббийнинг Қозоғистон қуйи лигасида иш бошлаши барибир қизиқ?
— Тўғрисини айтсам мен фақат Ўзбекистон терма жамоасида эмас турли лигаларда ҳам ишлаганман. Футбол барча даражада қизиқарли. Албатта, бу клуб инфраструктураси ҳозирча жуда ёмон. Аммо буларни барини яхшилашга уринамиз.

— Йиғинларда янги футболчиларни синовдан ўтказдингизми?

— Тошкентдаги йиғинда тўртта назорат учрашувини ўтказдик. Албатта, янгиларни кўздан кечирдик. Текин футболчилар ҳозир деярли йўқ, агар молия яхши бўлса кучли жамоа тузса бўлади.

— Айнан қайси жамоаларга қарши ўйнадинглар?
— Тошкентда ҳозир ўзига жамоа қидираётган футболчилардан тузилган жамоалар йиғин ўтказишмоқда. Айнан шундай жамоаларга қарши учта баҳс бўлиб ўтди. Яна «Бухоро»га қарши ўйнадик, улар аралаш таркиб билан майдонга тушишди. Бу жамоани Эдгар Гесс бошқармоқда. Биз 2:1 ҳисобида зафар қучдик. Ўйин бўйича майдонда тенг кучли жамоалар ўйнашди, бу мени хурсанд қилди.
Rating:    

Comments

< show latest news
������.�������

Press "Like"
to read CA at facebook