UZ

Сўнгги янгиликлар

16:20"Евро-2024"да ҳеч ким Англия билан тенглаша олмайди"  3 15:57"Қизилқум" "Локомотив" билан ўйин учун қайдномасини эълон қилди  0 15:44ПРО-Лига. Турнинг марказий учрашуви асосий таркиблари маълум  2 15:26Суперлига. 4-тур учрашувларини ўтказиб юборадиган футболчилар  2 15:10Маркус Рэшфорд Евро-2024га бора олмаслиги мумкин  1 14:38Парехо Винисиус ҳақида: "Ажойиб спортчи, аммо ўйинчилар ўзини футболга бағишлаши керак. Мени пиёниста дейишарди, лекин бунга эътибор бермаганман ва жавоб қайтармаганман – бундай одамлардан юқорироқ бўлиш зарур"  1 13:47Суперлига. 9та клуб дастлабки 3та турда фақат бир хил формадан фойдаланди. Бунга сабаб нима?  4 13:44"Манчестер Юнайтед" "Реал" футболчисини сотиб олмоқчи  1 13:23Хавининг дисквалификацияси бўйича апелляция рад этилди   1 12:50Ўзбекистон кубогининг саралаш босқичига қуръа ташланди  3 12:15Месси: "ЖЧ-2022да ғолиб бўлмаганимизда, мен терма жамоадан кетардим"  5 11:53Начо ва Васкес "Реал" билан шартномасини узайтиради  2 11:23"Шўртан"нинг мавсумдаги илк ғалабаси қандай қўлга киритилди?   0 10:37Футзал. Терма жамоамиз бугун Қирғиз Республикасига қарши баҳс олиб боради  0 10:00Хави «Барселона»да қолиши мумкин, бироқ бош мураббий сифатида эмас  4

Рауф Инилеев: "Иорданиядаги ўйин биз учун жуда муҳим" Янгиликлар

Рауф Инилеев: "Иорданиядаги ўйин биз учун жуда муҳим"

Хабар бериб ўтганимиздек, кеча таниқли мутахассис Рауф Инилеев сайтимиз офисига ташриф буюрди.
Рауф Талгатович билан мулоқот давомида бир қанча саволларга жавоб олдик. Ва албатта, фурсатдан фойдаланиб Инилеевдан бугун бўлиб ўтадиган Иордания – Ўзбекистон учрашуви борасидаги фикрларини ҳам сўрадик. Қуйида айнан бугунги ўйинга аталган савол-жавобларни эътиборингизга ҳавола этамиз.

-   Рауф Талгатович, бугун миллий терма жамоамиз сафарда Иорданияга қарши майдонга тушади. Мутахассис сифатида бу ўйиндан нима кутяпсиз?

-   Гуруҳ учрашувларидан фарқли ўлароқ плей-офф баҳслари иккита ўйиндан иборат ва бунда ютқазган жамоа мусобақадан чиқиб кетади. Сизга айтсам, Иорданияда бўлиб ўтадиган биринчи ўйин биз учун жуда муҳим, чунки дастлабки беллашувда ўз мақсадига эриша олмаган жамоага жавоб беллашувида янада қийин бўлади. Ҳар иккала жамоа олдига ғалаба қозониб, кейинги босқичга йўл олиш вазифаси қўйилгани ҳақида матбуотда тез-тез ўқияпмиз. Шундай экан, бугун биринчи навбатда чиройли ўйин ва албатта ижобий натижа кутяпман.
 
-   Имкониятлар борасида нима дея оласиз?

-   Менимча, иккала учрашув натижасига кўра кейинги босқичга чиқиш имконияти бизда кўпроқ. Чунки статистик кўрсаткичлар бўйича Иорданиядан устунмиз, гуруҳда учинчи ўринни олганимиз билан улардан кўпроқ очко жамғардик. Қолаверса, ўйинчиларимизнинг савиясини ҳам уларникига нисбатан баланд деб биламан. Учинчидан эса биздаги легионерлар сони уларга нисбатан кўпроқ ва бизнинг легионерлар ўз клубларида захирада қолиб кетмасдан мунтазам майдонга тушишмоқда.
 
-   Демак, таркибимиз кучли деб ҳисоблайсиз?

-   Албатта. Буни исботлаб ўтириш шарт бўлмаса керак. Яна бир гап, Бақоев, Кападзе, Жепаров сингари футболчилар учун жаҳон чемпионатига чиқиш бу сафар охирги имконият бўлиши мумкин. Ўйлайманки, улар буни яхши тушуниб туришибди ва мақсадга эришиш учун охиригача курашишлари турган гап.

-   Иорданиядан фарқли ўлароқ биз ўртоқлик учрашуви ўтказмадик. Бу халақит бериши мумкинми?

-   14 август куни бўлиб ўтиши лозим бўлган ўртоқлик учрашуви нима сабабдан қолдирилганини билмайман. Аммо терма жамоамиз бош мураббийи ўртоқлик ўйинисиз тайёргарлик кўришни лозим топди ва бу унинг қарори. Тўғрисини айтсам, мени назорат беллашуви ўтказилмагани унчалик хавотирга солаётгани йўқ. Бундан ҳам муҳим масала шуки, бизда энг асосий ўйинчилардан бири Игнатий Нестеров жароҳат олиб қолди. Бундан ташқари, охирги ўйинларда кам гол ураётганимиз ҳам ташвишлантиряпти. Қатар билан уйдаги ўйинни ҳисобга олмаганда, бошқа беллашувларда биттадан кўп тўп кирита олмадик. Охирги ўйинларни таҳлил қилиб чиқсак, вазиятлардан фойдаланиш борасидаги кўрсаткичлар анча паст эканлиги ойдинлашади.

-   Сизнингча, терма жамоа дарвозасини ким қўриқлагани маъқул?

-   Термага чақирилган учала дарвозабон ҳам бир хил савияда. Тўғри, Элдор Суюновда ўйин амалиёти кам, бироқ унда дарвозабон учун керакли хислатлар борлиги кўриниб турибди. Назаримда, Зуҳуровга бироз характер етишмаётгандек. Лобанов эса кўпинча кутилмаган хатоларга йўл қўйиши мумкин. Тўғрисини айтсам, менга кўпроқ Суюнов варианти маъқул келяпти.
 
Хайрулла Холиқов ва Нодирхўжа Юлдашев суҳбатлашишди
Рейтинг:    

Фикрлар

championat.asia
Яндекс.Метрика