Latest news

15 jan 21:25
News

"Қўқон-1912" Тошкентда яна иккита ўйин ўтказади

Ўз олдига жорий мавсум кучлилар сафига чиқишни мақсад қилиб қўйган "Қўқон-1912" айни пайтда Тошкентда тайёргарлик кўрмоқда.

Тоҳир Кападзе бошқарувидаги клуб бугун режага кўра "Бунёдкор" ёшлар жамоасига қарши синов-назорат баҳсида майдонга тушди.

Бош мураббий ўйинда қуйидаги футболчиларни синовдан ўтказди.

"Қўқон-1912": Азиз Ашуров, Муҳсин Низомиддинов, Азиз Мадалиев, Даврон Маматов, Жўрабек Ёқубов, Хуршид Узоқбоев, Али Юлдашев, Аҳмаджон Раимжонов, Раҳматулло Мелибоев, Баҳодир Акрамов, Абдуллажон Мирзаев.     

Захирадан тушганлар: Андрей Бакланов, Нодир Ашурматов, Рустам Абдуҳамидов, Аваз Маматхўжаев, Қаҳҳор Ўктамов, Омон Абдуғаниев, Акмал Маражабов, Азиз Тўхтабоев, Алишер Тўхтабоев, Дадахон Сулаймонов, Лазиз Сафоев.        

Учрашувда Достон Ҳамдамовнинг голи "қалдирғочлар"нинг кичик устунлигини таъминлади.

Қўқонликларнинг мазкур пойтахтдаги йиғинида асосийси синов-назорат ўйинларига эътибор қаратиш бўлгани учун, бу жамоа олдида яна иккита ўйин турибди.

Режага кўра энди 17 январь куни Дилшод Нуралиев бошчилигидаги "Пахтакор-2" билан, 19 январь санасида эса Илҳом Мўминжонов қўли остига ўтган "Пахтакор" ёшлар жамоасига қарши майдонга чиқади.

20 январдан эътиборан қўқонликларнинг йиғини яна жамоа қароргоҳида давом эттирилади.

2-9 февраль кунлари Фарғонада "Ҳоким Кубоги"да иштирок этиш ҳам режалаштирилмоқда.

Rating:    

Comments

< show latest news
������.�������

Press "Like"
to read CA at facebook