06 jun 17:25
News

“Қизилқум” – “Насаф”: Ўз уйида енгилмаётган “Қизилқум”

“Қизилқум”га бир томондан қойил қолсак арзийди.
Бу жамоа бугунгача ўз майдонида бешта ўйин ўтказиб, шундан учтасида ғалаба қозонди ва икки бор дуранг ўйнади. Жамоа ҳали ўз майдонида мағлубиятга учрагани йўқ. “Қизилқум” ўзида “Андижон”, “Динамо” ва “Навбаҳор”дан устун келди ва “Машъал” ҳамда “Бухоро” билан дуранг ўйнади.

“Насаф” ҳақида гапирадиган бўлсак, қаршиликлар охирги олти турдан бери мағлубиятга учрашмади. Умуман олганда, “Насаф” ҳозирча бир марта енгилди ва бу мағлубият олий лиганинг 4-турида “Навбаҳор”га қарши баҳсда рўй берди. Бугунги рақибнинг “Қизилқум” билан ҳам сафарда ўйнашини ҳисобга олсак, баҳснинг бирмунча қизиқарли кечиши кутилмоқда.

“Қизилқум” турнир жадвалида 9, “Насаф” 4-ўринда боряпти. Навоийликлар шу пайтгача олий лигада 9та тўп киритишди ва бугун улар ўнинчи голни уришлари мумкин. Бундан ташқари, “Қизилқум” ўз майдонида энг кам гол ўтказган иккита жамоадан бири: атиги 2та гол ўтказиб юборди. Яна бир жамоа эса “Қизилқум”нинг бугунги рақиби “Насаф” бўлиб турибди.

“Насаф” сафарда тўртта гол уриб, учта ўтказиб юборди. Қизиғи, “Насаф” чемпионлик учун курашаётган бўлишига қарамай, ўзидан юқорида турган жамоаларга нисбатан учта кам гол урган. Чунки “Локомотив”, “Пахтакор” ва “Бунёдкор”нинг сафарда киритган тўплари еттитани ташкил этмоқда. Бир сўз билан айтганда, бугун Навоийда “Насаф”га осон бўлмайди. Ҳар ҳолда “Қизилқум” бор кучини ишга солиши турган гап.

Х.Холиқов.
Rating:    

Comments

< show latest news
������.�������

Press "Like"
to read CA at facebook