Latest news

16 mar 08:47
News

Превью. "Олмалиқ" - "Металлург"

Олмалиқ шаҳридаги янги, замонавий стадионнинг очилиш маросимидан сўнг "Олмалиқ" ва "Металлург" ўртасидаги ўйин бўлиб ўтади.
«ОЛМАЛИҚ» – «МЕТАЛЛУРГ»
16 март. Олмалиқ. “Олмалиқ” стадиони. 18:00
Ҳакамлар:
Т. Тўхтасинов, Р.Ғопуров, М.Мажидов, И.Худойдотов.
Назоратчи: Р.Айтеков.

Бу жамоалар шу кунга қадар ўзаро 12 марта куч синашишган. Натижалар “Олмалиқ”нинг устунлигини кўрсатмоқда. Олмалиқликлар 12 баҳснинг 6тасида ғалаба қозонишган. 5 учрашувда “Металлург”нинг қўли баланд келган. Битта ўйинда эса дуранг қайд этилган. Тўплар нисбати ҳам табиийки “Олмалиқ” фойдасига 25-22. Ўзаро ўинларда “Олмалиқ” 19 очони қўлга киритган бўлса, “Металлург” 16 очкога эга бўлган.

“Олмалиқ”нинг “Металлург” устидан қозонган энг йирик ғалабаси – 4:1. “Металлург”нинг “Олмалиқ” устидан қозонган энг йирик ғалабаси эса – 4:3 ни ташкил этади.

Ўтган йил Олмалиқда бўлиб ўтган ўйинда ҳисобни “Металлург” ярим ҳимоячиси Жасур Бобоев очганди. Бироқ Олим Навкаров ва Зафар Полвоновнинг голлари “Олмалиқ”қа иродали ғалаба келтирганди – 2:1. “Металлург” мезбонлик қилган учрашувда ҳам шу ҳисоб қайд этилган. Дилмурод Каримов биринчи бўлимда иккита гол урганди. Зафар Полвонов ягона жавоб тўпини киритганди – 2:1.

Олмалиқда ўтган барча учрашувлар:
25.08.2013 «Олмалиқ» - «Металлург» 2:1
20.05.2012 «Олмалиқ» - «Металлург» 3:2
12.05.2011 «Олмалиқ» - «Металлург» 4:1
25.09.2010 «Олмалиқ» - «Металлург» 3:2
07.03.2009 «Олмалиқ» - «Металлург» 2:1
29.03.2008 «Олмалиқ» - «Металлург» 1:0

Ўзаро ўйинлар ҳақида факт: “Олмалиқ” ўз уйида бу рақибга қарши бўлиб ўтган ўйинларда фақат ғалаба қозонган. Олтита ўйиннинг фақат биттасига йирик ҳисоб қайд этилган.

Тахмин: "Олмалиқ" ўз уйида фақат ғалаба қозонган. Бугун ҳам бу анъана давом этса керак.

Нарзулла Сайдуллаев
Rating:    

Comments

< show latest news
������.�������

Press "Like"
to read CA at facebook