UZ

Сўнгги янгиликлар

26 дек 18:32
Янгиликлар

Павел Бугало: “Келажагимга ишонч билан қараяпман”

Бунгача уч мавсум “Бунёдкор” дарвозасини қўриқлаган тажрибали посбон Павел Бугало “Локомотив”да маълум муддат ўйнаб, яна “қалдирғочлар” оиласига қайтиб келди.
Куни кеча дарвозабон мамлакат чемпиони билан шартнома имзолади. Унинг қайтишини клуб матбуот хизмати беэътибор қолдирмай, Бугалодан интервью олди.

- Павел, аввало кириб келаётган янги йил байрами билан муборакбод этмоқчиман. Айтингчи, “Бунёдкор”га қайтишингиз қандай амалга ошди?
- “Бунёдкор” сафида аввал уч мавсум ўйнаб, Ўзбекистон кубогида ғолиб чиқдим ва чемпион бўлдим. Шунинг учун ҳам яна бу клуб аъзосига айланганимдан хурсандман. Бир пайтлар ҳозирда “Бунёдкор”нинг мураббийлар штабида фаолият юритаётганлар билан майдонда тўп тепганман. Шунинг учун ҳам клубдаги келажагимга ишонч билан қараяпман.

- Сиз – машҳур ва тажрибали дарвозабонсиз. Бироқ анчадан бери қитъа миқиёсидаги турларда иштирок этмадингиз. Осиё Чемпионлар лигасига қайтишингиз ва ушбу мусобақада муваффақиятли ҳаракат қилишингизга қандай қараяпсиз?
- Йиғинлар давомида ҳар ким ўз маҳоратини тўла намойиш қилишга интилади. Мураббийлар штабида танлаш имконияти бор. Албатта мен асосий таркибга лойиқ эканлигимни исботлашга ва клубнинг катта ғалабаларига ўз улушимни қўшишни истайман.

- Футбол – нафақат мухлислар қаршисидаги ўйин, балки майдон ташқарисидаги машғулотлардан ҳам иборат. Айтингчи, шу ёшингизда ҳам юқори спорт формасида туришни қандай уддалаяпсиз?
- Аввало, инсон ўз кун тартибига амал қилиши керак. Ёшинг улғайиб боргач, сен учун охирги имкониятлар берилаётганини ҳис қилиб яшаркансан. Шунинг учун эътиборимни машғулотларга қаратиб, ўз жисмоний ҳолатимни бир мароимда сақлашга интиляпман.

- Мухлисларнинг фикрича, йиллар давомида йиғган бой тажрибангиз билан “Бунёдкор”даги фаолиятингиз орқали ўзбек футболига кўп фойда келтирасиз.
- Мухлисларнинг бундай ишончини эшитиш ёқимли. Мен ўзимда бор маҳоратни ишга солган ҳолда “Бунёдкор”нинг учала мусобақада ҳам ғолиб чиқишига ҳаракат қиламан. Фурсатдан фойдаланиб, мухлисларни, жамоадошларим ва барча футболчиларни, мутахассис ва устозларимни кириб келаётган янги йил байрами билан қутлайман.

Дониёл Рўзимов суҳбатлашди
Рейтинг:    

Фикрлар

< сўнгги янгиликларни кўриш

Энг яхшилар

Сурияга ютқаздик
ЖЧ-2018 саралаши доирасидаги Сурия - Ўзбекистон учрашуви бўлиб ўтди.  1226
Самвел Бабаян: "Охиригача курашамиз, ҳали имконият бор"
Ўзбекистон миллий терма жамоаси бош мураббийи Самвел Бабаян Сурияга...  527
Гуруҳдаги вазият билан танишинг
ЖЧ-2018 саралаши доирасидаги Сурия - Ўзбекистон учрашуви якунланди.  262
Виталий Денисов: "Гуруҳдаги вазиятимизни оғирлаштириб олдик, аммо ҳали имкониятимиз бор"
Ўзбекистон терма жамоаси ҳимоячиси Виталий Денисов Сурияга қарши...  197
������.�������

Выберите страну:

Mamlakatni tanlang:

Выберите язык новостей:

Yangiliklar tilini tanlang: