22 feb 11:40
News

"ЎзДонгЖу" йиғинида асосан ёшлар

Бир неча йиллик танаффусдан сўнг ниҳоят "ЎзДонгЖу" яна биринчи лигага қайтди.
Бундан маҳаллий мухлислар хурсанд. Чунки бу жамоа қисқа вақт ичида ишқибозларни ўзига жалб эта олганди. Андижондаги ранг бўёқ ишлаб чиқариш заводи жамоаси бўлмиш "ЎзДонгЖу" бу йил биринчи лигада иштирок этиш ниятида тайёргарликни ўз қароргоҳида бошлаб юборган.

Ҳозирча машғулотларни ушбу жамоада узоқ йиллар мобайнида фаолият кўрсатиб келаётган Фозилжон Бобораҳимов ўтказмоқда. Бу мураббий илгари жамоанинг иккинчи лигада иштирок этган вақтда ҳам футболчи сифатида ўйнаган. Шу боис раҳбарият бош мураббийликка айнан Бобораҳимовни тайинлагани бежиз эмас албатта. Айтишларича, "ЎзДонгЖу"нинг таркиби асосан ёшлардан иборат. Жамоанинг асл мақсади ҳам шаҳардаги футболга ихтисослаштирилган мактаб-интернатидан етишиб чиқаётган иқтидорларни катта футболга кириб келишида ўз йўлини топиб олиш учун ўзига хос трамплин вазифасини ўтаб беришдир.

Шунинг учун айни пайтда Шўрбулоқ даҳасида жойлашган футболга ихтисослаштирилган мактаб-интернатнинг майдонида ўтаётган йиғинда асосан мазкур даргоҳ битирувчилари иштирок этмоқда. Бугун жамоа Шўрбулоқдаги сунъий қопламали майдонда "Андижон" ёшлари билан синов-назорат баҳсида майдонга тушади.
Rating:    

Comments

< show latest news
������.�������

Press "Like"
to read CA at facebook