16 oct 15:07
News

Ўзбекистон U-17 Фужайрада илк машғулотларини ўтказди

15 октябрь куни Ўзбекистон ўсмирлар терма жамоаси Фужайрадаги «Калба» стадионида гуруҳ босқичи ўйинларидан аввалги расмий машғулотларини бошлади.

17 октябрь куни БААда старт оладиган U-17 ўсмирлар ўртасидаги жаҳон чемпионатида иштирок этадиган Ўзбекистон U-17 ўсмирлар терма жамоаси 15 октябрь куни «Kalba Club» жамоасига тегишли бўлган стадионда илк машғулотини ўтказди. 15 октябрь, сешанба куни, Нуралиев шогирдлари куннинг биринчи ярмида тикланиш машқларини бажарган бўлса, тушликдан сўнг терма жамоа аъзолари ФИФА Бош координатири билан учрашувда иштирок этишган.

Терма жамоа бош мураббийи Дилшод Нуралиев гуруҳ босқичи ўйинларининг барчаси маҳаллий вақт билан 20:00да бошланишини инобатга олиб, барча машғулотларни куннинг иккинчи ярмида, кечқурун ўтказишга қарор қилган.

Қуйида Ўзбекистон U-17 ўсмирлар терма жамоасининг Фужайрадаги машғулотларининг биринчи ва иккинчи кунидан видеоларни томоша қилишингиз мумкин.

Эслатиб ўтамиз, Дилшод Нуралиев бош мураббийлигидаги Ўзбекистон U-17 ўсмирлар терма жамоаси Жаҳон чемпионати гуруҳ босқичи ўйинларини 18 октябрь куни Панама ўсмирлар терма жамоасига қарши ўйин билан бошлайди. Гуруҳдаги 2-тур ўйини 21 октябрь куни Марокаш ўсмирларига қарши бўлиб ўтса, 24 октябрь куни 3-турда Нуралиев шогирдлари Хорватияга қарши майдонга тушади. Гуруҳ босқичидаги барча ўйинлар Фужайра стадионида бўлиб ўтади.

U-17 ўсмирлар ўртасида ЖЧ.
«С» гуруҳи. 1-тур.
18 октябрь.

Ўзбекистон (U-17) - Панама (U-17)

2-тур.
21 октябрь

Марокаш (U-17) - Ўзбекистон (U-17)

3-тур.
24 октябрь

Ўзбекистон (U-17) - Хорватия (U-17)
Rating:    

Comments

< show latest news
������.�������

Press "Like"
to read CA at facebook