11 nov 17:15
News

"Оқ-тепа": Жамоамиз қишги таътилдан бир ойдан сўнг қайтади

Юртимизда яна бир футбол мавсуми якунланди.
Март ойининг сўнгги беш кунлигида старт олган Ўзбекистон Биринчилиги баҳслари роппа-роса етти ой давом этди. Ишқибозларимизнинг хабари бор, мусобақада муносиб равишда қатнашишни мақсад қилган жамоамиз чемпионатни сафарда “Янгиер”ни мағлуб этиш билан бошлади. Шундан сўнг яна уч учрашувда мағлубият нелигини билмадик. Шу тариқа бирин-кетин очколарни қўлга киритиб, биринчи босқични 4-поғонада якунладик. Эътиборлиси, биринчи босқичда якунда олий лигага йўлланмани қўлга киритган “Андижон”нинг тўққиз ўйин давом этган мағлубиятсиз сериясига нуқта қўйдик. Азамат Абдураимов мураббийлигидаги андижонликлар мавсумдаги илк мағлубиятини Тошкентда “Оқ-тепа” стадионида жамоамиздан қабул қилиб олганди – 3:0.

Ёзги танаффусда “Оқ-тепа”ни бир қатор етакчи ўйинчилар тарк этди. Табиийки, бу ўз-ўзидан иккинчи босқичдаги натижаларимизга ҳам таъсир ўтказди. Аҳамиятлиси, жамоамиз кузги ўйинларда ҳам яна бир бор футбол оммасини ўзига қаратди. Сабаби, энди чемпионатни биринчи ўринда тугатган “Машъал” Тошкентда иродали равишда мағлуб этилди – 2:1. Айтиш жоизки, “газчилар” “Оқ-тепа”га қарши учрашувга қадар 23 баҳсда мағлубият нелигини билмаганди.

Мавсумни 10-ўринда якунладик. Ўз олдига юксак мақсадларни қўяётган жамоамиз босқичма-босқич кўзланган мақсадларига эришмоқда. Бу йил “Оқ-тепа” замон талабларига жавоб берадиган базага эга бўлди. Базада меҳмон жамоалар истиқомат қилиши учун ҳам барча шароитлар бор.

Жамоамиз аъзолари айни вақтда қишги таътилга чиқиб кетишган. Бош мураббий Александр Токовнинг режасига кўра, янги мавсумга декабрь ойининг иккинчи ўн кунлигидан тайёргарлик бошланади. 2014 йилнинг январь, февраль, март ойларида босқичма-босқич ўқув-йиғин машғулотлари ўтказилади. Табиийки, мазкур йиғинлар давомида ўртоқлик учрашувлари ҳам ташкил этилади.
Rating:    

Comments

< show latest news

Weekly Best

АПЛ. Марказий ўйинда кучлар тенг келди
АПЛ 21-туридан ўрин олган МЮ - "Ливерпуль" баҳси бўлиб ўтди. 133
АПЛ. "Эвертон" "Манчестер Сити"ни шарманда қилди
Англия чемпионатининг навбатдаги турида "Эвертон"... 93
"Севилья" - "Реал Мадрид". Таркиблар маълум
Испания чемпионати 18-туридан ўрин олган "Севилья" -... 76
“Севилья” “Реал”нинг мағлубиятсиз сериясига чек қўйди
Испания чемпионатининг 18-турида “Севилья” ўз майдонида чемпионат... 75
������.�������

Press "Like"
to read CA at facebook