11 aug 10:54
News

"Оқ-тепа" “Хоразм”дан яна устун келди

Ўзбекистон Биринчилигининг 2-босқич ўйинларига тайёргарлик кўраётган "Оқ-тепа" куни кеча навбатдаги назорат учрашувини ўтказди.
“Оқ-тепа” стадионида бўлиб ўтган беллашувда жамоанинг рақиби “Хоразм” бўлди. Хабарингиз бор, “Оқ-тепа” бунга қадар бу жамоа билан бир марта ўйнаб кўрган эди. Ўшанда "Оқ-тепа" рақибдан 5:4 ҳисобида устун келганди.

Иккинчи баҳс ҳам голларга бой тарзда ўтди. Аввалги ўйиндан фарқли равишда футболчиларимиз бу сафар ўз иродаларини намойиш қилишди. Сабаби, меҳмонлар танаффусга қадар Валерий Карпенко дарвозасини икки бор ишғол қилишди. Вакилларимиз хоразмликларнинг икки голига бир тўп билан жавоб қайтарди. Жамоамиз сардори Зокир Мирзааҳмедовнинг голи ҳисобни 1:2 кўриниш олишини таъминлади.

Танаффусдан сўнг учрашув сценарийси ўзгариб кетди. Мураббий штаби томонидан амалга оширилган ўзгаришлар мағлубият ғалабага айланишига олиб келди. Захирадан майдонга тушган ҳимоячи Азамат Мамажонов дублга эришди ва ғалабага эришдик.

Назорат учрашуви

“ОҚ-ТЕПА” – “ХОРАЗМ” – 3:2 (1:2)
“Оқ-тепа”:
Валерий Карпенко, Дониёр Усмонов, Вадим Любинский, Жасур Умаров, Алексей Локтионов, Зокир Мирзааҳмедов, Бобур Абдураҳмонов, Илҳом Ражабов, Никита Павленко, Маъруф Аҳмаджонов, Хушнуд Маматов.
Захирадан тушганлар: Максим Криушев, Ислом Йўлдошев, Алишер Алимов, Андрей Шашков, Вадим Ничунаев, Азамат Мамажонов, Аббос Абдуллаев, Сардор Хуршидов, Шоҳруз Норхонов.
Голлар: Зокир Мирзааҳмедов, Азамат Мамажонов (2та).
Rating:    

Comments

< show latest news
������.�������

Press "Like"
to read CA at facebook